ജർമ്മനിയിലെ വിദ്യാഭ്യാസ സമ്പ്രദായം
From Wikipedia, the free encyclopedia
ജർമ്മനിയിൽ വിദ്യാഭ്യാസത്തിനുള്ള ഉത്തരവാദിത്തം ആ രാജ്യത്തിന്റെ ഭാഗമായ വിവിധ സംസ്ഥാനങ്ങൾക്കാണ് (Länder), രാഷ്ട്രം ഇക്കാര്യത്തിൽ വളരെച്ചെറിയപങ്കെ വഹിക്കുന്നുള്ളു. കിൻഡർഗാർട്ടൻ അല്ലെങ്കിൽ നഴ്സറി സ്കൂളിൽ കുട്ടികളെ ഒരു വയസ്സുമുതൽ 6 വയസ്സുവരെ വിടുന്നതിനു സ്റ്റേറ്റ് നിർബന്ധിക്കുന്നില്ല. അതിനുശേഷം, സ്കൂൾ ഹാജർ നിർബന്ധിതമാക്കിയിട്ടുണ്ട്. [1] ഈ സമ്പ്രദായം ജർമ്മനിയിൽ എല്ലായിടത്തും ഒരുപൊലെയല്ല നടക്കുന്നത്. ഓരോ സ്റ്റേറ്റിനും (സംസ്ഥാനം) അവരവരുടേതായ വിദ്യാഭ്യാസ നയം നടപ്പാക്കുന്നതിനുള്ള സ്വാതന്ത്ര്യം രാഷ്ട്രം അനുവദിച്ചിട്ടുണ്ട്. എങ്കിലും മിക്ക കുട്ടികളും ആദ്യം ഗ്രണ്ഡ് സ്കൂളിൽ (പ്രാഥമികപാഠശാല) 6 മുതൽ 11 വയസ്സുവരെയുള്ള പ്രായത്തിൽ ചേരുന്നു.
ജർമ്മൻ സെക്കന്ററി വിദ്യാഭ്യാസ സമ്പ്രദായത്തിൽ 5 തരം സ്കൂളുകൾ ഉണ്ട്. 12 അല്ലെങ്കിൽ 13 ഗ്രേഡിനുശേഷം കുട്ടികളെ അബിത്തൂർ എന്ന അവസാനവർഷ പരീക്ഷയ്ക്കുശേഷം ഉയർന്ന ക്ലാസ്സുകളിലേയ്ക്ക് ചേരാനുള്ള തയാറെടുപ്പിനായാണ് ജിമ്നേഷ്യം എന്ന സ്കൂൾ രൂപകൽപന ചെയ്തിരിക്കുന്നത്. ഗ്രേഡ് 10നുശേഷം നടക്കുന്ന വസാനപരീക്ഷയായ മിട്ടിലിയർ റൈഫി ക്കു തയ്യാറെറ്റുപ്പിക്കാനായി വിശാലമായ ഉദ്ദേശ്യങ്ങളുള്ള റിയൽസ്കുളിൽ ചേർക്കുന്നു; ഗ്രേഡ് 9നു ശേഷം സാങ്കേതിക വിദ്യാഭ്യാസത്തിനു കുട്ടികളെ തയ്യാറെടുപ്പിക്കുവാൻ ഹൊപ്റ്റ്സ്കൂളെ ആണ് ഒരു വിഭാഗം. ഗ്രേഡ് 10നു ശേഷം Realschulabschluss യുണ്ട്. ഗ്രേഡ് 10 രണ്ടുതരത്തിലുണ്ട്: ഒന്ന് 10ബി എന്ന ഉയർന്ന ലെവലും മറ്റൊന്ന് 10എ എന്ന താഴ്ന്ന ലെവലും; Realschule യിലെത്താൻ 10 ബി കൊണ്ടേ സാധിക്കൂ. Mittlere Reife 10 ബിയ്ക്കുശേഷം നടക്കുന്ന പരീക്ഷയാണ്. സാങ്കേതികവിദ്യാഭ്യാസത്തിനായുള്ള സ്കൂളിലുള്ള Realschulabschlussൽ ഒരു വർഷം കാലാവധിയിൽ എത്താനുള്ള പുതിയവഴി 1981 ൽ ഒരു പ്രത്യേക നിയമം വഴി നിർമ്മിച്ചു.
മറ്റു രാജ്യങ്ങളെ താരതമ്യം ചെയ്യുമ്പോൾ ജർമ്മനിയിലെ നൂറുകണക്കിനു വിദ്യാഭ്യാസസ്ഥാപനങ്ങൾ സൗജന്യമായോ അല്ലെങ്കിൽ നാമമാത്രമായ ഫീസ് വാങ്ങിക്കുകയോ ആണു ചെയ്യുന്നത്.[2] വിദ്യാർത്ഥികൾ തങ്ങൾക്കുള്ള യോഗ്യതാപരീക്ഷയിലെ മികവിന്റെ അടിസ്ഥാനത്തിൽ മാത്രമാണ് ഇത്തരം കോഴ്സുകളിൽ ചേർന്നു പഠിക്കുന്നത്.
2009 മുതൽ സർവ്വകലാശലകളിൽചെർന്നു പഠിക്കാനായി Abitur പരീക്ഷകൾ പാസ്സാകേണ്ടതുണ്ട്. ഡിപ്ലോമ ഉള്ളവർക്കും ഇത്തരം കോഴ്സുകൾക്ക് അപേക്ഷിക്കാവുന്നതാണ്. [3][4] എന്നാൽ ഈ ടെസ്റ്റ് പാസാകാതെതന്നെ ഒരു വിദ്യാർത്ഥിക്ക് തന്റെ കഴിവുകൾ മറ്റു രീതികളിൽ തെളിയിച്ച് ആ കോഴ്സിൽ പങ്കെടുക്കുന്ന മറ്റു വിദ്യാർത്ഥികൾക്കു തുല്യമായ സാമർത്ഥ്യമുള്ളയാളാണെന്നു കണ്ടെത്തിയാൽ പ്രവേശനം നേടാം. അതിസമർഥരായ വിദ്യാർത്ഥ്ഹികൾക്കാണ് ഇത്തരം അവസരങ്ങൾ ലഭിക്കുന്നത്.
Duale Ausbildung എന്നറിയപ്പെടുന്ന തൊഴില്പരിശീലനത്തിനായി പഠനകാലത്തുതന്നെ ഒരു പഠിതാവിനു കമ്പനികളിലോ മറ്റു സ്ഥാപനങ്ങളിലോ ചേർന്ന് പരിശീലനം നേടാനുള്ള സ്വാതന്ത്ര്യവുമുണ്ട്.[5]