ജോവാന കാസിഡി
അമേരിക്കൻ ചലചിത്ര നടൻ / From Wikipedia, the free encyclopedia
ജോവാന കാസിഡി (ജനനം: ഓഗസ്റ്റ് 2, 1945) ഒരു അമേരിക്കൻ നടിയാണ്. റിഡ്ലി സ്കോട്ടിന്റെ ബ്ലേഡ് റണ്ണർ (1982) എന്ന ചിത്രത്തിലെ സോറ സലോം, ഹു ഫ്രെയിംഡ് റോജർ റാബിറ്റ് (1988) എന്ന ചിത്രത്തിലെ ഡോലോറസ് എന്നീ കഥാപാത്രങ്ങളായി അഭിനയിച്ചതോടെയാണ് അവർ കൂടുതൽ ശ്രദ്ധിക്കപ്പെട്ടത്. ഒരു ഗോൾഡൻ ഗ്ലോബ് അവാർഡ് നേടിയതോടൊപ്പം മൂന്ന് എമ്മി അവാർഡുകൾക്ക് നാമനിർദ്ദേശം ചെയ്യപ്പെടുകയും ഇതു കൂടാതെ സാറ്റേൺ അവാർഡിനും സ്ക്രീൻ ആക്ടേഴ്സ് ഗിൽഡ് അവാർഡിനും അവർ നാമനിർദ്ദേശം ചെയ്യപ്പെട്ടിരുന്നു.
അണ്ടർ ഫയർ (1983), ദി ഫോർത്ത് പ്രോട്ടോക്കോൾ (1987), ദി പാക്കേജ് (1989), വേർ ദ ഹാർട്ട് ഈസ് (1990), ഡോൺ ടെൽ മോം ദി ബേബിസിറ്റേഴ്സ് ഡെഡ് (1991), വാമ്പയർ ഇൻ ബ്രൂക്ലിൻ (1995), ഗോസ്റ്റ്സ് ഓഫ് മാർസ് (2001) തുടങ്ങിയ ചിത്രങ്ങളിലും ജോവാന കാസിഡി അഭിനയിച്ചിട്ടുണ്ട്. 2001 മുതൽ 2005 വരെയുള്ള കാലഘട്ടത്തിൽ എച്ച്ബിഒ നാടക പരമ്പരയായ സിക്സ് ഫീറ്റ് അണ്ടറിൽ മാർഗരറ്റ് ചെനോവിത്ത് എന്ന കഥാപാത്രമായി അഭിനയിക്കുകയും ഇതിന് പ്രൈംടൈം എമ്മി അവാർഡ് നാമനിർദ്ദേശം ലഭിക്കുകയും ചെയ്തു. 2011 മുതൽ 2013 വരെ ബോഡി ഓഫ് പ്രൂഫ് എന്ന എബിസി പരമ്പരയിൽ ജോവാൻ ഹണ്ടായി അഭിനയിക്കുകയും 2010 മുതൽ 2013 വരെ എച്ച്ബിഒ കാനഡ കോമഡി സീരീസായ കോൾ മി ഫിറ്റ്സിൽ അഭിനയിച്ചതിന്റെ പേരിൽ രണ്ട് കനേഡിയൻ സ്ക്രീൻ അവാർഡുകൾ അവർ നേടിയിരുന്നു.