ജേമീ ലീ കർട്ടിസ്
അമേരിക്കൻ ചലചിത്ര നടൻ / From Wikipedia, the free encyclopedia
ജേമീ ലീ കർട്ടിസ് (ജനനം: നവംബർ 22, 1958) ഒരു അമേരിക്കൻ അഭിനേത്രിയും എഴുത്തുകാരിയും ആക്ടിവിസ്റ്റുമാണ്. 1978 ൽ ജോൺ കാർപെന്ററിന്റെ ഹലോവീൻ എന്ന ഹൊറർ സിനിമയിലെ ലോറി സ്ട്രോഡ് എന്ന കഥാപാത്രത്തെ അവതരിപ്പിച്ചുകൊണ്ട് അവർ സിനിമാ രംഗത്തേയ്ക്ക് അരങ്ങേറ്റം നടത്തി. ഈ ചിത്രം അവരെ സിനിമാരംഗത്ത് ഒരു "സ്ക്രീം ക്യൂൻ" ആയി സ്ഥാപിച്ചതോടെ 1980 ൽ ദ ഫോഗ്, പ്രോം നൈറ്റ്, ടെറർ ട്രെയിൻ എന്നിവയുൾപ്പെടെയുള്ള ഏതാനും ഹൊറർ സിനിമകളിൽ അവർ പ്രത്യക്ഷപ്പെട്ടു. ഹാലോവീൻ II (1981), ഹാലോവീൻ എച്ച് 20: 20 വർഷങ്ങൾക്ക് ശേഷം (1998), ഹാലോവീൻ: റെസറക്ഷൻ (2002), ഹാലോവീൻ (2018) എന്നിവയിൽ ലോറി സ്ട്രോഡിന്റെ വേഷം അവർ ആവർത്തിച്ച് അവതരിപ്പിച്ചു.
ജാമി ലീ കർട്ടിസ് | |
---|---|
ജനനം | (1958-11-22) നവംബർ 22, 1958 (65 വയസ്സ്) സാന്താ മോണിക്ക, കാലിഫോർണിയ, യു.എസ്. |
തൊഴിൽ | നടി, നിർമ്മാതാവ്, സംവിധായകൻ, രചയിതാവ്, ബ്ലോഗർ, ആക്ടിവിസ്റ്റ് |
സജീവ കാലം | 1977–ഇതുവരെ |
ജീവിതപങ്കാളി(കൾ) | Christopher Guest, 5th Baron Haden-Guest
(m. 1984) |
കുട്ടികൾ | 2 |
മാതാപിതാക്ക(ൾ) | ടോണി കർട്ടിസ് ജാനറ്റ് ലെയ്ഗ് |
ബന്ധുക്കൾ | കെല്ലി കർട്ടിസ് (സഹോദരി) അല്ലെഗ്ര കർട്ടിസ് (അർദ്ധ-സഹോദരി) |
ഒപ്പ് | |
വിവിധയിനം ചലച്ചിത്രങ്ങൾക്കുവേണ്ടി പ്രവർത്തിച്ചിട്ടുള്ള ജേമീ ലീ കർട്ടിസിന്റെ ചലച്ചിത്രങ്ങളിൽ മികച്ച സഹനടിക്കുള്ള ബാഫ്റ്റ അവാർഡ് നേടിയ ട്രേഡിംഗ് പ്ലേസ് (1983), മികച്ച നടിക്കുള്ള ബാഫ്റ്റ നോമിനേഷൻ നേടിയ എ ഫിഷ് കാൾഡ് വാണ്ട (1988) തുടങ്ങിയ ഹാസ്യരസപ്രധാനങ്ങളായ ചിത്രങ്ങളും ഉൾപ്പെടുന്നു. ജെയിംസ് കാമറൂണിന്റെ ആക്ഷൻ കോമഡി ചിത്രമായ ട്രൂ ലൈസ് (1994) എന്ന ചിത്രത്തിൽ ഹെലൻ ടാസ്കറുടെ വേഷത്തിൽ അഭിനയിച്ചതിന്റെപേരിൽ ഒരു ഗോൾഡൻ ഗ്ലോബ് പുരസ്കാരം, അമേരിക്കൻ കോമഡി പുരസ്കാരം, സാറ്റേൺ അവാർഡ് എന്നിവ നേടിയിരുന്നു. കർട്ടിസിന്റെ മറ്റ് പ്രധാന ചിത്രങ്ങളിൽ ബ്ലൂ സ്റ്റീൽ (1990), മൈ ഗേൾ (1991), ഫോറെവർ യംഗ് (1992), ദി ടെയ്ലർ ഓഫ് പനാമ (2001), ഫ്രീക്കി ഫ്രൈഡേ (2003), ബെവർലി ഹിൽസ് ചിഹ്വാഹ്വ (2008), യു എഗെയ്ൻ (2010) , വെറോണിക്ക മാർസ് (2014), നൈവ്സ് ഔട്ട് (2019) എന്നിവ ഉൾപ്പെടുന്നു.
എബിസിയുടെ ഹാസ്യ പരമ്പരയായ എനിതിംഗ് ബട്ട് ലവ് (1989–1992) ൽ ഹന്ന മില്ലർ എന്ന കഥാപാത്രത്തെ അവതരിപ്പിച്ചതിന് കർട്ടിസിന് ഒരു ഗോൾഡൻ ഗ്ലോബും പീപ്പിൾസ് ചോയ്സ് അവാർഡും ലഭിച്ചിരുന്നു. നിക്കോളാസ് ഗിഫ്റ്റ് (1998) എന്ന ടെലിവിഷൻ സിനിമയിലെ അഭിനയത്തിന് പ്രൈംടൈം എമ്മി അവാർഡിന് നാമനിർദേശം ചെയ്യപ്പെട്ടിരുന്നു. ഫോക് ബ്രോഡ്കാസ്റ്റിംഗ് കമ്പനിയുടെ ഹൊറർ കോമഡി പരമ്പരയായിരുന്ന സ്ക്രീം ക്വീൻസിൽ (2015–2016) കാത്തി മൻഷ് എന്ന കഥാപാത്രമായി അഭിനയിക്കുകയും ഏഴാമത്തെ ഗോൾഡൻ ഗ്ലോബ് നോമിനേഷൻ നേടുകയും ചെയ്തു.
നിരവധി കുട്ടികളുടെ പുസ്തകങ്ങൾ എഴുതിയിട്ടുള്ള അവരുടെ1998-ൽ പുറത്തിറങ്ങിയ ടുഡേ ഐ ഫീൽ സില്ലി, ആന്റ് അദർ മൂഡ്സ് ദാറ്റ് മേക്ക് മൈ ഡേ എന്ന പുസ്തകം ദ ന്യൂയോർക്ക് ടൈംസിന്റെ ബെസ്റ്റ് സെല്ലർ പട്ടികയിൽ ഇടംപിടിച്ചിരുന്നു. ദ ഹഫിംഗ്ടൺ പോസ്റ്റിന്റെ പതിവ് ബ്ലോഗർ കൂടിയാണ് അവർ. 1998 ൽ ഹോളിവുഡ് വാക്ക് ഓഫ് ഫെയിമിൽ കർട്ടിസിന് ഒരു താരം ലഭിച്ചു.