ജെയിംസ് വെബ് ബഹിരാകാശ ദൂരദർശിനി
From Wikipedia, the free encyclopedia
2021 ഡിസംബർ 25-ന് വിക്ഷേപിച്ച ബഹിരാകാശനിരീക്ഷണാലയമാണ് ജയിംസ് വെബ് ബഹിരാകാശ ദൂരദർശിനി(JWST)[8]. നെക്സ്റ്റ് ജനറേഷൻ ബഹിരാകാശ ദൂരദർശിനി എന്നായിരുന്നു ആദ്യം നിർദ്ദേശിക്കപ്പെട്ടിരുന്ന പേര്. പ്രധാനദർപ്പണത്തിന്റെ നിർമ്മാണം 2019 സെപ്റ്റംബർ മാസത്തിൽ പൂർത്തിയായി.[9] ഹബിൾ ബഹിരാകാശ ദൂരദർശിനി, സ്പിറ്റ്സർ ബഹിരാകാശ ദൂരദർശിനി എന്നിവയേക്കാൾ കൃത്യതയും സംവേദനക്ഷമതയും ഉള്ളതാണ് ജയിംസ് വെബ് ബഹിരാകാശ ദൂരദർശിനി. ഇതിന്റെ പ്രാഥമിക ദർപ്പണത്തിന്റെ വ്യാസം 6.5 മീറ്റർ ആണ്. ഇതിലെ ഉപകരണങ്ങളും ദർപ്പണവും 50കെൽവിനു താഴെ (-220°C)യുള്ള താപനിലയിൽ സംരക്ഷിച്ചു നിർത്തുന്നതിനുള്ള സംവിധാനവും ഇതിൽ ഏർപ്പെടുത്തിയിട്ടുണ്ട്. സൂര്യപ്രകാശം നേരിട്ടു തട്ടാത്ത തരത്തിൽ സൂര്യൻ ഭൂമിയുടെ എതിർവശത്തു വരുന്ന തരത്തിൽ ലഗ്രാൻഷെ പോയന്റ് 2 (L2)- ലാണ് ഇത് നിലയുറപ്പിക്കുക.
പേരുകൾ | Next Generation Space Telescope (NGST; 1996–2002) |
---|---|
ദൗത്യത്തിന്റെ തരം | Astronomy |
ഓപ്പറേറ്റർ | STScI (NASA)[1] / ESA / CSA |
COSPAR ID | 2021-130A |
SATCAT № | 50463[2] |
വെബ്സൈറ്റ് | ഫലകം:Oweb |
ദൗത്യദൈർഘ്യം | |
സ്പേസ്ക്രാഫ്റ്റിന്റെ സവിശേഷതകൾ | |
നിർമ്മാതാവ് |
|
വിക്ഷേപണസമയത്തെ പിണ്ഡം | 6,161.4 kg (13,584 lb)[5] |
അളവുകൾ | 20.197 m × 14.162 m (66.26 ft × 46.46 ft), sunshield |
ഊർജ്ജം | 2 kW |
ദൗത്യത്തിന്റെ തുടക്കം | |
വിക്ഷേപണത്തിയതി | 25 ഡിസംബർ 2021 (2021-12-25), 12:20 UTC |
റോക്കറ്റ് | Ariane 5 ECA (VA256) |
വിക്ഷേപണത്തറ | Centre Spatial Guyanais, ELA-3 |
കരാറുകാർ | Arianespace |
Entered service | 12 July 2022 |
പരിക്രമണ സവിശേഷതകൾ | |
Reference system | Sun–Earth L2 orbit |
Regime | Halo orbit |
Periapsis | 250,000 km (160,000 mi)[6] |
Apoapsis | 832,000 km (517,000 mi)[6] |
Period | 6 months |
പ്രധാന ദൂരദർശിനി | |
തരം | Korsch telescope |
വ്യാസം | 6.5 m (21 ft) |
ഫോക്കൽ ദൂരം | 131.4 m (431 ft) |
Collecting area | 25.4 m2 (273 sq ft)[7] |
Wavelengths | 0.6–28.3 μm (orange to mid-infrared) |
ട്രാൻസ്പോണ്ടറുകൾ | |
ബാൻഡ് |
|
ബാൻഡ്വിഡ്ത്ത് | ഫലകം:Ubli |
James Webb Space Telescope mission logo |
ജ്യോതിഃശാസ്ത്രത്തിലും പ്രപഞ്ചവിജ്ഞാനീയത്തിലും പുതിയ മുന്നേറ്റങ്ങൾക്ക് തുടക്കം കുറിക്കാൻ ജയിംസ് വെബ് ദൂരദർശിനിക്കാവും.[10] അതിവിദൂരങ്ങളിൽ സ്ഥിതിചെയ്യുന്ന പ്രാപഞ്ചികപദാർത്ഥങ്ങളെ കണ്ടെത്താൻ ഇതിനാവും. ആദ്യനക്ഷത്രങ്ങളുടെ ഉത്ഭവവും ആദ്യത്തെ താരാപഥത്തിന്റെ ആവിർഭാവവും കണ്ടെത്താൻ ഇതിനാവുമെന്ന് കരുതപ്പെടുന്നു. മറ്റൊരു ലക്ഷ്യം നക്ഷത്രങ്ങളുടെയും ഗ്രഹങ്ങളുടെയും ഉത്ഭവത്തെ പറ്റി പഠിക്കുക എന്നതാണ്. നക്ഷത്രരൂപീകരണം നടക്കുന്ന വാതകപടലങ്ങളെ കുറിച്ച് പഠിക്കുക, നക്ഷത്രങ്ങളുടെ ചുറ്റും ചിതറിക്കിടക്കുന്ന പദാർത്ഥങ്ങളെ കുറിച്ചു പഠിക്കുക, സൗരയൂഥേതര ഗ്രഹങ്ങളുടെ നേരിട്ടുള്ള ചിത്രങ്ങളെടുക്കുക എന്നിവയും ഇതിന്റെ ലക്ഷ്യങ്ങളിൽ പെടുന്നു.
1996ലാണ് ഇങ്ങനെയൊരു സംരംഭത്തെ കുറിച്ചുള്ള ചർച്ചകൾ രൂപം കൊള്ളുന്നത്. 17 രാജ്യങ്ങളുടെ ഒരു സംയുക്തസംരംഭമാണിത്. നേതൃത്വത്തിൽ നാസ, യൂറോപ്യൻ സ്പേസ് ഏജൻസി, കനേഡിയൻ സ്പേസ് ഏജൻസി എന്നിവയാണുള്ളത്. നാസയുടെ രണ്ടാമത്തെ അഡ്മിനിസ്ട്രേറ്ററായിരുന്ന ജെയിംസ് ഇ. വെബിന്റെ പേരാണ് ഈ ദൂരദർശിനിക്ക് നൽകിയിട്ടുള്ളത്. അപ്പോളോ ദൗത്യത്തിനു നേതൃത്വം നൽകിയിരുന്നത് ഇദ്ദേഹമായിരുന്നു.[11]