ജാനറ്റ് ലെയ്ഗ്
അമേരിക്കൻ ചലചിത്ര നടൻ / From Wikipedia, the free encyclopedia
ഒരു അമേരിക്കൻ നടിയും ഗായികയും നർത്തകിയും സർവ്വോപരി ഒരു സാഹിത്യകാരിയുമായിരുന്നു ജാനറ്റ് ലെയ്ഗ് (ജീവിതകാലം: ജൂലൈ 1927 - ഒക്ടോബർ 3, 2004). തൊഴിലാളി വർഗ്ഗത്തിൽപ്പെട്ട മാതാപിതാക്കളുടെ പുത്രിയായി കാലിഫോർണിയയിലെ സ്റ്റോക്ടണിൽ വളർന്ന ജാനറ്റിനെ കണ്ടെത്തിയത് നോർമ ഷിയറർ എന്ന നടിയായിരുന്നു. അവർ മെട്രോ ഗോൾഡ്വിൻ മേയർ (MGM) എന്ന കമ്പനിയുമായി ഒരു കരാർ ഉറപ്പിച്ചിക്കുന്നതിന് ജാനറ്റിനെ സഹായിച്ചു. ദ റൊമാൻസ് ഓഫ് റോസി റിഡ്ജിന് (1947) എന്ന ചിത്രത്തിലൂടെ അരങ്ങേറ്റം കുറിക്കുന്നതിനുമുമ്പായി അവർ റേഡിയോ പരിപാടികളിൽ പങ്കെടുത്തിരുന്നു.
ജാനറ്റ് ലെയ്ഗ് | |
---|---|
ജനനം | Jeanette Helen Morrison (1927-07-06)ജൂലൈ 6, 1927 Merced, California, U.S. |
മരണം | ഒക്ടോബർ 3, 2004(2004-10-03) (പ്രായം 77) Los Angeles, California, U.S. |
മരണ കാരണം | Vasculitis |
അന്ത്യ വിശ്രമം | Westwood Village Memorial Park Cemetery |
കലാലയം | University of the Pacific |
തൊഴിൽ |
|
സജീവ കാലം | 1947–2004 |
രാഷ്ട്രീയ കക്ഷി | Democratic |
ജീവിതപങ്കാളി(കൾ) | John Carlisle
(m. 1942; annulled 1942)Stanley Reames
(m. 1945; div. 1949)Tony Curtis
(m. 1951; div. 1962)Robert Brandt (m. 1962) |
കുട്ടികൾ | Kelly Curtis Jamie Lee Curtis |
കലാജീവിതത്തിന്റെ തുടക്കത്തിൽ എംജിഎമ്മിനു വേണ്ടി ആക്ട് ഓഫ് വയലൻസ് (1948), ലിറ്റിൽ വിമെൻ (1949), എഞ്ചൽസ് ഇൻ ദ ഔട്ട്ഫീൽഡ് (1951), സ്കാർമൗഷേ (1952), ദ നേക്കഡ് സ്പർ (1953), ലിവിങ് ഇറ്റ് അപ് (1954) തുടങ്ങിയ വൈവിധ്യമാർന്ന ചിത്രങ്ങളിൽ തന്റെ അഭിനയപാടവം കാഴ്ചവച്ചിരുന്നു.
1950 ലെ രണ്ടാം പകുതിയിൽ ലെയ്ഗ് കൂടുതലായും സഫാരി (1956), ഓർസൺ വെൽസ്സിന്റെ ഹിംസാത്മക സിനിമയായ ടച്ച് ഓഫ് ഈവിൾ (1958) പോലെയുള്ള സിനിമകളിലെ നാടകീയ രംഗങ്ങളിൽ പ്രത്യക്ഷപ്പെട്ടിരുന്നു. 1960 ൽ പുറത്തിറങ്ങിയ ആൾഫ്രഡ് ഹിച്കോക്കിൻറെ സൈക്കോ എന്ന ചിത്രത്തിലെ നിർഭാഗ്യവതിയായ മാറിയോൺ ക്രെയിൻ എന്ന കഥാപാത്രമാണ് അവർക്ക് ഏറ്റവും കൂടുതൽ അംഗീകാരം നേടിക്കൊടുത്തത്. ഇതിലെ വേഷത്തിന് മികച്ച സഹനടിക്കുള്ള ഗോൾഡൻ ഗ്ലോബ് അവാർഡും മികച്ച സഹനടിക്കുള്ള അക്കാദമി അവാർഡ് നാമനിർദ്ദേശവും ജാനറ്റിന് ലഭിച്ചിട്ടുണ്ട്.