ചെകുത്താന്റെ ദ്വീപ്
From Wikipedia, the free encyclopedia
അറ്റ്ലാന്റിക് സമുദ്രത്തിലെ ഒരു ചെറു ദ്വീപാണ് ഡെവിൾസ് ദ്വീപ് അല്ലെങ്കിൽ ചെകുത്താന്റെ ദ്വീപ്. മണൽക്കാടുകളും പാറക്കെട്ടുകളും നിറഞ്ഞ ഈ ദ്വീപ് ഉത്തര ഫ്രഞ്ച് ഗയാനയുടെ ഭാഗമാണ്. വിസ്തീർണം: 40 ച.കി.മീ. ഈ ദ്വീപും റോയൽ, സെന്റ് ജോസഫ് ദ്വീപുകളും ചേർന്ന സേഫ്റ്റി ഐലൻഡ്സ് (Safety Islands) ദ്വീപസമൂഹം മുൻകാലത്ത് 'ഡെവിൾസ് ഐലൻഡ്സ്' എന്ന പേരിൽ അറിയപ്പെട്ടിരുന്നു. തെക്കെ അമേരിക്കയിൽ ഫ്രഞ്ച് ഗയാനാ തീരത്തു നിന്ന് ഉദ്ദേശം 13 കി.മീ. അകലെയാണ് ഡെവിൾസ് ഐലൻഡിന്റെ സ്ഥാനം.