ഗത്ക
From Wikipedia, the free encyclopedia
തെക്കേഷ്യയിലെ ഒരു ആയോധക കലയാണ് ഗത്ക. ഇത് നിർമ്മിച്ചത് സിക്കുകാരാണ്, ഏറ്റുമുട്ടലുകളിൽ മരംകൊണ്ട് നിർമ്മിച്ച ആയുധങ്ങളാണുണ്ടാകുക.[1] ആധുനിക ഉപയോഗത്തിൽ ഇത് വടക്കു പടിഞ്ഞാറൻ ഇന്ത്യയിലെ മാർഷ്യൽ ആർട്ട്സായി അറിയപ്പെടുന്നു, ശാസ്ത്ര വിദ്യ എന്നു പറയുന്നതാവും കൂടുതൽ യോജിപ്പ്. ആക്രമണങ്ങളും ആക്രമണരീതികളും വ്യത്യാസമുണ്ടെങ്കിലും അടിസ്ഥാന ആശയങ്ങൾ ഒന്നുതന്നെയാണ്.[1]
ഗത്ക ഒരു വിനോദമായും, ആചാരക്രമമായും പഠിക്കാവുന്നതാണ്. മരംകൊണ്ടുനിർമ്മിതമായ രണ്ട് വാളുകൾ കൊണ്ട് രണ്ടു പേർ നടത്തുന്ന ഏറ്റുമുട്ടലാണ് ഗത്ക. ഈ വാളിനോടൊപ്പം ഒരു ഷീൽഡുമുണ്ടാകും. വാളുകൊണ്ടുള്ള സ്പർശനങ്ങൾക്കാണ് പോയന്റ്. മറ്റുള്ള ആയുധങ്ങൾ ആക്രമണത്തിനായി ഉപയോഗിക്കില്ല, പക്ഷെ അവയുടേയും, നിയന്ത്രണരീതികൾ പഠിച്ചെടുക്കണമെങ്കിൽ തുടർച്ചയായ പരിശീലനത്തിലൂടെ മാത്രമെ കഴിയു.[2] ആചാരക്രമത്തിനായുള്ള ഗത്ക വിവാഹവേദികളിലോ, മറ്റു സംഗീത അരങ്ങുകളിലോ ആണ് ഉപയോഗിക്കാറ്, കൂടാതെ ഛൗ നൃത്തത്തിലും ഇത് ഉപയോഗിക്കാറുണ്ട്. ഗത്ക പഠിപ്പിക്കുന്ന പരിശീലകനെ ഗത്കബാജ് എന്നാണ് വിളിക്കുക, അതിനർത്ഥം, ഗുരു, എന്നും ഗുരുദേവ് എന്നുമാണ്.