കോവിഡ്-19 ആഗോള മഹാമാരിക്കിടെ മാസ്കുകളുടെ ഉപയോഗം
From Wikipedia, the free encyclopedia
കോവിഡ്-19 ആഗോള മഹാമാരിക്കിടെ, സർജിക്കൽ മാസ്ക്കുകൾ, തുണികൊണ്ടുള്ള മാസ്കുകൾ തുടങ്ങിയ പലതരം മുഖാവരണങ്ങൾ SARS-CoV-2 എന്ന വൈറസ് പടർന്നുപിടിക്കുന്നതിനെതിരായ പ്രതിരോധമാർഗ്ഗമായി ഉപയോഗിക്കപ്പെടുന്നുണ്ട്. ആരോഗ്യ പരിപാലനരംഗത്തും സമൂഹത്തിൽ പൊതുവേയും മാസ്കുകളുടെ ഉപയോഗം രോഗം പടരുന്നതിനെതിരേയുള്ള ഉറവിട നിയന്ത്രണവും, വ്യക്തിസുരക്ഷയും ലക്ഷ്യമിടുന്നു.
രോഗം പകരാനുള്ള സാദ്ധ്യത കുറയ്ക്കുന്നതിനായി ഭരണകൂടങ്ങളും ആരോഗ്യവിദഗ്ദ്ധരും മാസ്കുകളുടെ ഉപയോഗം ശുപാർശ ചെയ്യുന്നുണ്ട്.[1] പാൻഡെമിക് കാലത്ത് പൊതുസ്ഥലത്ത് മാസ്കിന്റെ ഉപയോഗം ശുപാർശ ചെയ്യുകയോ നിഷ്കർഷിക്കുകയോ ചെയ്യുന്ന രാജ്യങ്ങളിലാണ് ലോകജനസംഖ്യയിൽ ഏകദേശം 95% വസിക്കുന്നത്.[2]