കുമാന ദേശീയോദ്യാനം
From Wikipedia, the free encyclopedia
യാല ഈസ്റ്റ് നാഷണൽ പാർക്ക് എന്ന അപരനാമത്തിലറിയപ്പെടുന്ന കുമാന ദേശീയോദ്യാനം തെക്കു കിഴക്കൻ ശ്രീലങ്കയിലെ അമ്പര ജില്ലയിലാണ് സ്ഥിതിചെയ്യുന്നത്. 35,664 ഹെക്ടർ വിസ്തീർണ്ണത്തിൽ ഈ ദേശീയോദ്യാനം വ്യാപിച്ചുകിടക്കുന്നു. ഉദ്യാനത്തിന്റെ പടിഞ്ഞാറ് കുമുബുക്കൻ ഓയ നദി അതിരിടുമ്പോൾ തെക്കു കിഴക്കൻഭാഗത്ത് പനാമ സ്ഥിതിചെയ്യുന്നു. 200 ഹെക്ടർ വിസ്തീർണ്ണത്തിൽ ''കുമാന വില്ലു'' എന്നറിയപ്പെടുന്ന കണ്ടൽക്കാടുകൾ കാണപ്പെടുന്നു. മേയ്,ജൂൺ എന്നീ മാസങ്ങളിൽ ധാരാളം പക്ഷികൾ കൂട് നിർമ്മിക്കാൻ ഈ ചതുപ്പിലെത്തുന്നു. ദേശാടനപ്പക്ഷികൾക്ക് പേരുകേട്ട പ്രദേശമാണ് കുമാന ദേശീയോദ്യാനം. വാട്ടർ ഫൌൾ (താറാവ്, വാത്ത, അരയന്നം), വേഡിംഗ് ബേർഡ്സ് (കൊറ്റി,കൊക്ക്) എന്നീ ഇനത്തിൽപ്പെട്ട ദേശാടനപക്ഷികളുടെ വലിയ പറ്റങ്ങളെയാണ് ഇവിടെ കണ്ടുവരുന്നത്. ഈ ദേശീയോദ്യാനത്തിൽ അങ്ങിങ്ങായി ധാരാളം കുളങ്ങൾ കാണപ്പെടുന്നു. ഇതിൽ കുടവില വേവ, തുമ്മുല്ല വേവ, കൊറ്റലിൻഡ വേവ എന്നീ ഭാഗങ്ങൾ ധാരാളം വന്യജീവികളുടെ വിഹാരകേന്ദ്രങ്ങളാണ്.
കുമാന ദേശീയോദ്യാനം | |
---|---|
ഐ.യു.സി.എൻ. ഗണം II (ദേശീയോദ്യാനം) | |
Location | കിഴക്കൻ പ്രവിശ്യ, ശ്രീലങ്ക |
Nearest city | ഹമ്പൻടോട്ട |
Coordinates | 6°30′47″N 81°41′16″E |
Area | 35,664 ha |
Established | 20 ജനുവരി 1970 |
Governing body | Department of Wildlife Conservation |
കുമാന പ്രദേശം ബി.സി.മൂന്നാം നൂറ്റാണ്ടിലെ പുരാതന സംസ്കാരവുമായി ബന്ധപ്പെട്ടിരിക്കുന്നു[1]. ബി.സി.ഒന്നാം നൂറ്റാണ്ടിലെയും രണ്ടാം നൂറ്റാണ്ടിലെയും ശിലാലിഖിതങ്ങൾ ഇവിടെ കണ്ടെത്തിയിട്ടുണ്ട്.
1985 മുതൽ 2003 മാർച്ച് വരെ തമിഴ് പുലികളുടെ ആക്രമത്തെ തുടർന്ന് കുമാന ദേശീയോദ്യാനം അടച്ചിട്ടിരുന്നു. അതുകൂടാതെ 2004-ലെ ഇന്ത്യൻ മഹാസമുദ്രഭൂകമ്പവും സുനാമിയും കുമാന ദേശീയോദ്യാനത്തെ സാരമായി ബാധിച്ചു[2].