കാൾ ടെയ്ലർ കോംപ്റ്റൻ
From Wikipedia, the free encyclopedia
പ്രമുഖനായ ഒരു അമേരിക്കൻ ഭൗതികശാസ്ത്രജ്ഞനും 1930-40 കാലഘട്ടത്തിൽ Massachusetts Institute of Technology (MIT) -യുടെ പ്രസിഡണ്ടുമായിരുന്ന ഒരു ശാസ്ത്രജ്ഞനായിരുന്നു Karl Taylor Compton (സെപ്തംബർ 14, 1887 – ജൂൺ 22, 1954).[1] 1912-ൽ പ്രിൻസ്ടൺ സർവകലാശാലയിൽനിന്ന് പിഎച്ച്.ഡി. നേടിയ ഇദ്ദേഹം ഇലക്ട്രോണിക്സിൽ ഗവേഷകൻ, ഭൗതികശാസ്ത്രാധ്യാപകൻ, മാസച്യുസെറ്റ്സ് ഇൻസ്റ്റിറ്റ്യൂട്ട് ഒഫ് ടെക്നോളജിയുടെ (MIT) പ്രസിഡന്റ് (1930-49), ചെയർമാൻ (1949-54) എന്നീ പദവികൾ വഹിച്ചിട്ടുണ്ട്. ഇലക്ട്രോണിക്സ്, സ്പെക്ട്രാസ്കോപ്പി, ലോഹങ്ങളിലൂടെ ഫോട്ടോ ഇലക്ട്രാണുകളുടെ പ്രവാഹം, അയോണീകരണം, വാതകത്തിലൂടെയുള്ള ഇലക്ട്രോൺ സഞ്ചാരം, പ്രകാശദീപ്തി, വിദ്യുത് ആർക്ക്, ഇലക്ട്രോൺ/ആറ്റം സംഘട്ടനങ്ങൾ എന്നീ മേഖലകളിൽ പഠനം നടത്തിയ ഇദ്ദേഹം ഭൗതികശാസ്ത്രത്തിൽ നിരവധി പരീക്ഷണങ്ങൾക്ക് നേതൃത്വം നൽകുകയും ചെയ്തു.
Karl Taylor Compton | |
---|---|
President of the Massachusetts Institute of Technology | |
ഓഫീസിൽ 1930–1948 | |
മുൻഗാമി | Samuel Wesley Stratton |
പിൻഗാമി | James Rhyne Killian |
വ്യക്തിഗത വിവരങ്ങൾ | |
ജനനം | (1887-09-14)സെപ്റ്റംബർ 14, 1887 Wooster, Ohio, United States |
മരണം | ജൂൺ 22, 1954(1954-06-22) (പ്രായം 66) New York City, New York, United States |
ബന്ധുക്കൾ | Arthur Compton (brother) Wilson Martindale Compton (brother) |
അൽമ മേറ്റർ | The College of Wooster |
ശാസ്ത്രജ്ഞൻ എന്നതിലുപരി ഒരു മികച്ച ഭരണതന്ത്രജ്ഞൻ കൂടിയായിരുന്ന ഇദ്ദേഹം രണ്ടാം ലോകമഹായുദ്ധക്കാലത്ത് റഡാർ, റോക്കറ്റ്, നിയന്ത്രിതമിസൈലുകൾ, ആറ്റംബോംബ് എന്നിവയുടെ വികസനത്തിൽ ഭരണപരമായ നേതൃത്വം നല്കി. ശാസ്ത്രവിദ്യാഭ്യാസം, എൻജിനീയറിങ് വിദ്യാഭ്യാസം, ഗവേഷണം തുടങ്ങിയ മേഖലകളിലും ഇദ്ദേഹം ധാരാളം സംഭാവനകൾ നൽകിയിട്ടുണ്ട്. 350-ഓളം ഗവേഷണ പ്രബന്ധങ്ങളുടെ കർത്താവാണിദ്ദേഹം. 1927 - ലെ ഭൗതികശാസ്ത്രനോബൽസമ്മാനജേതാവായ Arthur Holly Compton ഇദ്ദേഹത്തിന്റെ അനുജനാണ്.