കാത്ലീൻ നോറിസ്
From Wikipedia, the free encyclopedia
കാത്ലീൻ തോംസൺ നോറിസ് (ജീവിതകാലം: ജൂലൈ 16, 1880 - ജനുവരി 18, 1966) ഒരു അമേരിക്കൻ നോവലിസ്റ്റും വർത്തമാനപ്പത്രങ്ങളിലെ പംക്തിയെഴുത്തുകാരിയുമായിരുന്നു. 1911 മുതൽ 1959 വരെയുള്ള അമ്പത് വർഷത്തോളംകാലം അമേരിക്കയിൽ ഏറ്റവും കൂടുതൽ വായിക്കപ്പെട്ടതും ഏറ്റവും കൂടുതൽ പ്രതിഫലം വാങ്ങിയതുമായ വനിതാ എഴുത്തുകാരിൽ ഒരാളായിരുന്നു അവർ. 93 നോവലുകൾ എഴുതിയ അവരുടെ മിക്ക നോവലുകളും മികച്ച വിൽപ്പന നേടിയവയാണ്. അവരുടെ കഥകൾ അറ്റ്ലാന്റിക്, ദി അമേരിക്കൻ മാഗസിൻ, മക്ക്ലൂറസ്, എവരിബഡിസ്, ലേഡീസ് ഹോം ജേണൽ, വുമൺസ് ഹോം കമ്പാനിയൻ എന്നിവയുൾപ്പെടെ അക്കാലത്തെ ജനപ്രിയ മാധ്യമങ്ങളിൽ പതിവായി പ്രത്യക്ഷപ്പെട്ടിരുന്നു. വിവാഹത്തിന്റെ പരിശുദ്ധി, മാതൃത്വത്തിന്റെ കുലീനത, സേവന സന്നദ്ധതയുടെ പ്രാധാന്യം എന്നിങ്ങനെ കുടുംബത്തെയും ധാർമ്മിക മൂല്യങ്ങളെയും പ്രോത്സാഹിപ്പിക്കുന്നതിന് നോറിസ് തന്റെ ഫിക്ഷൻ രചനകൾ ഉപയോഗിച്ചു.[1]