ഇൻഫോർമേഷൻ വാർഫെയർ
From Wikipedia, the free encyclopedia
ഇൻഫർമേഷൻ വാർഫെയർ (ഐഡബ്ല്യു) (കമ്പ്യൂട്ടറുകൾ, സോഫ്റ്റ്വെയർ, കമാൻഡ് കൺട്രോൾ സിസ്റ്റങ്ങൾ എന്നിവയെ ആക്രമിക്കുന്ന സൈബർ വാർഫെയറിൽ നിന്ന് വ്യത്യസ്തമാണ്) എതിരാളിയെക്കാൾ മത്സരാധിഷ്ഠിത നേട്ടത്തിനായി ഇൻഫർമേഷൻ ആന്റ് കമ്മ്യൂണിക്കേഷൻ ടെക്നോളജിയുടെ (ഐസിടി) ഉപയോഗവും മാനേജ്മെന്റും ഉൾപ്പെടുന്ന ഒരു ആശയമാണ്. ഇൻഫർമേഷൻ വാർഫെയർ എന്നത് ആരെയെങ്കിലും അവർ ആശ്രയിക്കുന്ന വിവരങ്ങളിൽ കുഴപ്പമുണ്ടാക്കി അവരെ കബളിപ്പിക്കുന്നതുപോലെയാണ്. ഇത് അവർക്ക് നല്ലതല്ലാത്തതും എന്നാൽ ഈ വിവരങ്ങൾ ഉപയോഗിക്കുന്ന പ്രയോജനകരവുമായ കാര്യങ്ങൾ തീരുമാനിക്കാൻ അവരെ പ്രേരിപ്പിക്കുന്നു, അതുമൂലം കബളിപ്പിക്കപ്പെടുന്ന വ്യക്തിയ്ക്ക് കബളിപ്പിക്കപ്പെടുകയാണെന്ന് പോലും മനസ്സിലാക്കുന്നില്ല.[1][2]തൽഫലമായി, ഇൻഫോർമേഷൻ വാർഫെയർ എപ്പോൾ ആരംഭിക്കുന്നു, എങ്ങനെ അവസാനിക്കുന്നു, അത് എത്രത്തോളം ശക്തമാണെന്നോ വിനാശകരമാണെന്നോ വ്യക്തമല്ല.[3]ഇൻഫോർമേഷൻ യുദ്ധത്തിൽ തന്ത്രപരമായ വിവരങ്ങളുടെ ശേഖരണം, ഒരാളുടെ വിവരങ്ങൾ സാധുതയുള്ളതാണെന്ന് ഉറപ്പുനൽകൽ, ശത്രുവിന്റെയും പൊതുജനങ്ങളുടെയും മനോവീര്യം കെടുത്തുന്നതിനോ കൈകാര്യം ചെയ്യുന്നതിനോ വേണ്ടിയുള്ള പ്രചാരണമോ തെറ്റായ വിവരങ്ങളോ പ്രചരിപ്പിക്കൽ, എതിർ സേനയെപറ്റിയുള്ള വിവരങ്ങളുടെ ഗുണനിലവാരം ദുർബലപ്പെടുത്തൽ, വിവരശേഖരണം നിഷേധിക്കൽ എന്നിവ ഉൾപ്പെട്ടേക്കാം. [4][5]
ഇലക്ട്രോണിക്സ്, സൈബർ യുദ്ധം പോലുള്ള മേഖലകളിൽ യുഎസ് സൈന്യം സാങ്കേതികവിദ്യയ്ക്ക് ഊന്നൽ നൽകുന്നു. മറ്റ് സൈനികർ ഇൻഫർമേഷൻ ഓപ്പറേഷൻസ് ഉപയോഗിക്കുന്നു, സോഷ്യൽ നെറ്റ്വർക്കുകൾ, തീരുമാനമെടുക്കൽ(decision-making)തുടങ്ങിയ മാനുഷിക വശങ്ങൾ മനസ്സിലാക്കുന്നതിൽ ശ്രദ്ധ കേന്ദ്രീകരിക്കുന്ന സാങ്കേതികവിദ്യയെ സംയോജിപ്പിക്കുന്ന വിശാലമായ സമീപനമാണിത്.