ആർക്കൻസാ നദി
From Wikipedia, the free encyclopedia
ആർക്കൻസാ നദി മിസിസിപ്പി നദിയുടെ ഒരു പ്രധാന പോഷകനദിയാണ്. അമേരിക്കൻ ഐക്യനാടുകളിലെ കൊളറാഡോ, കാൻസസ്, ഒക്ലഹോമ, ആർക്കൻസാ എന്നീ സംസ്ഥാനങ്ങളിലൂടെ സഞ്ചരിക്കുമ്പോൾ ഇത് പൊതുവെ കിഴക്കോട്ടും തെക്കുകിഴക്കോട്ടുമാണ് ഒഴുകുന്നത്. നദിയുടെ ഉറവിട തടം കൊളറാഡോയിൽ, പ്രത്യേകിച്ച് അർക്കൻസാസ റിവർ വാലിയിലാണ്. സാവാച്ച്, മൊസ്കിറ്റോ പർവതനിരകളിലെ മഞ്ഞുപാളികളിൽ നിന്നാണ് ഇത് ഉത്ഭവിക്കുന്നത്. കിഴക്കോട്ട് കാൻസസിലേക്കും അന്തിമമായി ഒക്ലഹോമ, ആർക്കൻസാ എന്നിവിടങ്ങളിലൂടെയും ഒഴുകുന്ന നദി മിസിസിപ്പി നദിയുമായി സംഗമിക്കുന്നു.
ആർക്കൻസാ നദി | |
---|---|
Country | അമേരിക്കൻ ഐക്യനാടുകൾ |
State | കൊളറാഡോ, കാൻസസ്, ഒക്ലഹോമാ, ആർക്കൻസാ |
Region | ഗ്രേറ്റ് പ്ലെയിൻസ് |
Cities | Pueblo, CO, Wichita, KS, Tulsa, OK, Muskogee, OK, Fort Smith, AR, Little Rock, AR, Pine Bluff, AR |
Physical characteristics | |
പ്രധാന സ്രോതസ്സ് | Confluence of East Fork Arkansas River and Tennessee Creek Near Leadville, Rocky Mountains, Colorado 9,728 ft (2,965 m) 39°15′30″N 106°20′38″W[1] |
നദീമുഖം | Mississippi River Franklin Township, Desha County, near Napoleon, Arkansas 108 ft (33 m)[2][1] 33°46′30″N 91°6′30″W[3][1] |
നീളം | 1,469 mi (2,364 km), West-east[4] |
Discharge | |
നദീതട പ്രത്യേകതകൾ | |
River system | Mississippi River watershed |
നദീതട വിസ്തൃതി | 168,000 sq mi (440,000 km2)[6] |
പോഷകനദികൾ |
|
1,469 മൈൽ (2,364 കിലോമീറ്റർ) നീളമുള്ള ഇത് അമേരിക്കൻ ഐക്യനാടുകളിലെ ആറാമത്തെ നീളമേറിയ നദിയും[7] മിസിസിപ്പി-മിസൗറി നദീവ്യൂഹത്തിലെ രണ്ടാമത്തെ ഏറ്റവും നീളം കൂടിയ പോഷകനദിയും ലോകത്തിലെ ഏറ്റവും നീളം കൂടിയ 45-ാമത്തെ നദിയുമാണ്. ലീഡ്വില്ലിനടുത്തുള്ള കൊളറാഡോയിലെ ലേക് കൗണ്ടിയിലെ റോക്കി പർവതനിരകളിൽനിന്നാണ് ഇതിന്റെ ഉത്ഭവം. 1859-ൽ, ലീഡ്വില്ലെ പ്രദേശത്ത് കണ്ടെത്തിയ പ്ലേസർ സ്വർണ്ണം ആയിരക്കണക്കിന് ആളുകളെ ഇവിടേയ്ക്ക് കൊണ്ടുവന്നുവെങ്കിലും അനായാസമായി കണ്ടെടുക്കാവുന്ന പ്ലേസർ സ്വർണ്ണം പെട്ടെന്ന്തന്നെ തീർന്നു.[8] അർക്കൻസാ നദീമുഖം അർക്കൻസായിലെ നെപ്പോളിയനിലും, അതിന്റെ ഡ്രെയിനേജ് ബേസിൻ ഏകദേശം 170,000 ചതുരശ്ര മൈൽ (440,000ചതുരശ്ര കിലോമീറ്റർ) പ്രദേശത്തുമായി വ്യാപിച്ചുകിടക്കുന്നു.[9]