അഭിനതി
From Wikipedia, the free encyclopedia
ഭൂവിജ്ഞാനീയത്തിൽ, ഭൂമടക്കുകളുടെ (fold)[1] കുഴിഞ്ഞ ഭാഗമാണ് അഭിനതി അഥവാ കീഴ്മടക്ക് (Syncline). ഭൂമടക്കുകളിലെ ഏതെങ്കിലുമൊരു ഭാഗം, അവ പാറത്തട്ടുകളായി പരിവർത്തനപ്പെടുന്നതിനിടയിൽ എപ്പോഴെങ്കിലും കുഴിഞ്ഞഭാഗമായിരുന്നുവെങ്കിൽ പ്രസ്തുത ഭാഗത്തെ വിശേഷിപ്പിക്കാനും അഭിനതി (syncline)[2] എന്ന പദം ഉപയോഗിക്കാറുണ്ട്. ഒത്തുചരിഞ്ഞത് എന്നർഥം വരുന്ന ഗ്രീക്കുപദത്തിൽനിന്നും നിഷ്പന്നമായതാണ് സിൻക്ളൈൻ (syncline) എന്ന ആംഗലേയരൂപം.