അബ്ബാസ് I
From Wikipedia, the free encyclopedia
പേർഷ്യയിലെ ഷായായിരുന്നു അബ്ബാസ് I. മഹാനായ അബ്ബാസ് I പേർഷ്യയിലെ സഫാവി വംശത്തിൽ 1571 ജനുവരി 27-ന് ഷാ മുഹമ്മദ് ഖുദാബന്തിന്റെ ദ്വിതീയ പുത്രനായി ജനിച്ചു. പിതാവിന്റെ സ്ഥാനത്യാഗാനന്തരം 1587-ൽ അബ്ബാസ് ഭരണഭാരം ഏറ്റെടുത്തു. സുശക്തമായൊരു സൈന്യത്തെ സംഘടിപ്പിച്ചുകൊണ്ട് ആഭ്യന്തര ഭദ്രത സുരക്ഷിതമാക്കാൻ അബ്ബാസിനു കഴിഞ്ഞു. ആരംഭത്തിൽതന്നെ കിസിൽ ബാഷ് ഗോത്രങ്ങളുടെയും ഉസ്ബെക്കുകളുടെയും തുർക്കികളുടെയും എതിർപ്പിനെ ഇദ്ദേഹത്തിനു ഒരേസമയം നേരിടേണ്ടിവന്നു. കിസിൽബാഷ് ഗോത്രക്കാരെ നിർവീര്യമാക്കുന്നതിനും സ്വരക്ഷയ്ക്കുംവേണ്ടി പുതിയൊരു അംഗരക്ഷകസൈന്യത്തെ ഇദ്ദേഹം രൂപവത്കരിച്ചു. രാജഭക്തി തികഞ്ഞ ഒരു ശക്തിയായി ഈ സൈന്യം വളർന്നു വന്നു. 1597-ൽ ഉസ്ബെക്കുകളെ പരാജയപ്പെടുത്തി; തുടർന്നു സുഫിയാനിൽവച്ചു നടന്ന ഒരു യുദ്ധത്തിൽ തുർക്കികളെയും. തുർക്കികളിൽനിന്നു ബാഗ്ദാദ്, കർബല, നജാഫ്, ജോർജിയ എന്നീ സ്ഥലങ്ങൾ പിടിച്ചടക്കി. ഇംഗ്ലീഷ് നാവികസേനയുടെ സഹായത്തോടെ പോർത്തുഗീസുകാരിൽ നിന്നും പിടിച്ചടക്കിയ ഓർമൂസ് പിൽക്കാലത്ത് ബന്തറേ അബ്ബാസ് (അബ്ബാസ് തുറമുഖം) എന്ന പേരിൽ അറിയപ്പെട്ടു.
അബ്ബാസ് I شاه عباس بزرگ | |
---|---|
Shahanshah | |
ഭരണകാലം | 1 October 1587 - 19 January 1629 (41 വർഷം, 110 ദിവസം) |
മുൻഗാമി | Mohammad I |
പിൻഗാമി | Safi |
Dynasty | Safavid |
പിതാവ് | Mohammed Khodabanda |
മാതാവ് | Khayr al-Nisa Begum |
മതം | Shia Islam |