Цетиосаурус
From Wikipedia, the free encyclopedia
Цетиосаурус (што значи „кит гуштер“, од грчки китиос/κήτειος што значи „морско чудовиште“ (подоцна, „кит“) и саурос/σαυρος што значи „гуштер“) — тревојаден сауроподски диносаурус од средната Јура, живеејќи пред околу 167 милиони години во денешна Европа.
Цетиосаурус Период: Бат | |
---|---|
Монтиран скелет во Лестерскиот музеј | |
Научна класификација | |
Царство: | Животни |
Колено: | Хордати |
Класа: | Влекачи |
Надред: | Диносауруси |
Ред: | Сауришија |
Подред: | †Сауроподоморфија |
Инфраред: | †Сауропода |
Семејство: | †Цетиосауридија Лидекер, 1888 |
Род: | †Цетиосаурус Овен, 1841 |
Вид: | C. oxoniensis |
Научен назив | |
†Cetiosaurus oxoniensis Гервајс, 1871 | |
Цетиосаурусот бил првиот сауропод опишан од неговите коски во 1842. Воедно е најкомплетниот пронајден сауропод во Англија. Така бил именуван затоа што неговиот опишувач, Ричард Овен, претпоставувал дека станува збор за морско суштество, првично голем крокодил и не го препознал за диносаурус што живеел на земја. Поради раниот опис, многу видови би биле именувани во родот, на крајот осумнаесет од нив. Повеќето од нив сега се ставени во други родови или не е точно определена нивната категоризација бидејќи се засноваат на нецелосен фосилен материјал.
Cetiosaurus oxoniensis бил „примитивен“, четириножен, долговрат, тревојад со мала глава. Имал пократка опашка и врат од повеќето сауроподи. Предните екстремитети му биле релативно долги. C. oxoniensis се проценува дека бил долг околу 16 метри и тежел приближно 11 тони.