Сиера Невада (Шпанија)
планински венец во Шпанија / From Wikipedia, the free encyclopedia
Сиера Невада (шпански: Sierra Nevada = „снежен венец“) — планински венец во покраините Гранада и Алмерија во областа Андалусија, Шпанија. Највисок врв е Муласен (3.478 м), кој е воедно највисок врв во континентална Шпанија.
- Статијава се однесува на планински венец во Шпанија. За други места со ова име, погл. Сиера Невада (појаснување).
Кратки факти Сиера Невада, Највисока точка ...
Сиера Невада | |
---|---|
Sierra Nevada | |
Поглед на Сиера Невада | |
Највисока точка | |
Врв | Муласен |
Надм. височина | 3.478 м |
Координати | 37°03′N 03°18′W |
Географија | |
Место | покраините Гранада и Алмерија |
Земји | Шпанија |
Покраина | Андалусија |
Матичен венец | Пенибетски систем |
Затвори
Венецот е популарно туристичко одредиште, особено поради скијачкиот центар во истото јужно средоземно подрачје познато по топло и сончево време. На подножјето се наоѓа градот Гранада, а малку понатаму се и градовите Алмерија и Малага.
На дел од венецот се наоѓа националниот парк Сиера Невада, а целиот венец е прогласен за биосферен резерват. На северните падини на планините се наоѓаат опсерваторијата „Сиера Невада“ и радиотелескопот на Институтот за милиметарска радиоастрономија (IRAM), на надморска височина од 2.800 м.