Киберспорт
натпреварувачко играње на видеоигри / From Wikipedia, the free encyclopedia
Киберспорт, познато и како е-спорт (англиски: esports) или електронски спорт — екипен или поединечен натпревар заснован на компјутерски игри.[1] Сите киберспотски дисциплини се поделени во неколку главни класи, кои се разликуваат по својствата на просторите, моделите, играчките задачи и развиените играчки вештини на играчите на киберспортот: стрелци од прво лице, стратегии во реално време, спортски симулатори, автосимулатори, авиосимулатори, боречки игри, екипни игри со улоги со елементи на тактички и стратегиски игри итн.[2][3]
Збирот на наградите може да достигне неколку милиони американски долари.[4] Турнирот по Dota 2, The International, неколкупати соборувал рекорди за уплати: на пример, во 2017 г. биле доделени 25 милиони долари, во 2018 г. — 26 милиони долари, во 2019 г. — 34 милиони долари.[5][6] Првенството било одложено за 2020 г. поради пандемијата на коронавирус.[7]