Mohammad Natsir
perdana menteri Indonesia nan ka 5 / From Wikipedia, the free encyclopedia
Mohammad Natsir (lahia di Alahan Panjang, Solok, Sumatera Barat, 17 Juli 1908 – maningga di Jakarta, 6 Februari 1993 pado umua 84 taun) adolah surang pajuang kamardekaan Indonesia, tokoh Islam, sarato politisi tanamo Indonesia. Natsir marupoan pardana mantari Indonesia nan kalimo. Inyo pernah pulo dipacayo manjadi Presiden Liga Muslim sa-Dunia.
Namo dalam bahaso usali | (id) Mohammad Natsir | ||||||||
---|---|---|---|---|---|---|---|---|---|
Biografi | |||||||||
Lahia | 17 Juli 1908 Alahan Panjang | ||||||||
Kamatian | 6 Pebruari 1993 (84 tahun (id) terjemahkan) Rumah Sakik Dr. Cipto Mangunkusumo | ||||||||
17 Desember 1950 – 27 April 1951
5 September 1950 – 26 April 1951
29 Januari 1948 – 4 Agustus 1949
12 Maret 1946 – 26 Juni 1947 | |||||||||
Data pribadi | |||||||||
Kalompok etnis | Urang Minangkabau | ||||||||
Agamo | Islam | ||||||||
Kagiatan | |||||||||
Karajo | Politikus, guru jo Ulama | ||||||||
Partai politik | Partai Masyumi (1945) | ||||||||
Creative work | |||||||||
Karya nan tanamo
| |||||||||
Kaluarga | |||||||||
Pasangan hiduik | Nur Nahar (id) (1934–) | ||||||||
Anak | Sitti Muchlisah (id) | ||||||||
Panghargaan |
Natsir mulai mampalajari ajaran Islam nan mandalam sasudah pindah dari tampaik kalahiarannyo di Solok, Sumatera Barat ka Banduang untuak basikola di sinan. Tulisan-tulisannyo mulai ditabik-an sajak 1929, dan pado maso 1930-an, inyo manulih babarapo makalah nan batema Islami. Inyo masuak dunia politik pado patangahan 1930-an, paranannyo taruih batambah maningkek diantaro partai-partai Islam. Pado 5 September 1950, inyo tapiliah manjadi pardana mantari, jabatan tu dipaciknyo sampai 26 April 1951. Salapeh indak manjabaik lai, inyo acok bana mausaoan paningkatan paran Islam jo otonomi daerah di Indonesia.
Natsir adolah pamimpin partai Masyumi nan tanamo. Di bawah kapamimpinannyo, Masyumi dapek mahimpun sabagian gadang partai-partai nan baideologi Islam di bawah ciek payuang, sahinggo dapek mandapek-an suaro nan banyak dalam pemilu 1955.
Natsir banyak manulih tantang Islam, mancapai total 45 buku jo baratuih-ratuih artikel. baliau mamandang Islam adolah bagian hakiki dari budayo Indonesia dan maraso kacewa taadok caro pamarentahan Soekarno jo Soeharto manangani agamo. Inyo mandapek tigo gala doktorat samaso iduiknyo, ciek dari Lebanon dan duo lai dari Malaysia.
Natsir nan mandukuang garakan PRRI lalu dipanjaro sajak taun 1962 dek pamarentahan Soekarno karano dituduah nak mambarontak. Inyo dilapehan taun 1966 sasudah Orde Baru bakuaso, tapi inyo taruih sajo basikap kritis taadok pamarentah, nan akianyo mambuek baliau dilarang pai ka lua nagari.
Pado 10 November 2008, di bawah pamarentahan Soesilo Bambang Yudhoyono, Natsir diangkek manjadi salah surang Pahlawan Nasional Indonesia, sasudah bapuluah-puluah taun salamo Orde Lamo jo Orde Baru inyo dicap sabagai pambarontak.