Windhoek
From Wikipedia, the free encyclopedia
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
Windhoek (Duutsj: Windhuk) is de hoofsjtad va Namibië, ing republiek in 't zude va Afrika. De sjtad ligk op zoeëget 1.650 meter boave zieënivo in 't centrum van 't lank, tussje de Erosberge in 't oeëste, de Auasberge in 't zude en 't Khomashoeëglank in 't weste. I Windhoek leëve hütsedaags bekans 315.000 miensje. Windhoek is neet alling 't politieke, meh óch 't kultoerele en economisje hat van 't lank. 't Parlement en de Universiteit va Namibië sjtónt hei, en óch 't insigste theater van 't lank. De mieëts gekalde sjproak i Windhoek is Afrikaans. Doaneëve kalle vöal lüj Ingelsj, seër 1990 de officiële besjtuursjproak va Namibië. Anger sjproake die vöal gekald weëde, zint Duutsj en Afrikaanse tale, wie bevuurbild 't Osjiwambo, de sjproak va g'n Owambo, 't grutste volk va Namibië.