Hawaï
From Wikipedia, the free encyclopedia
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Hawaï of Hawaii[1] (Ingels: Hawaii, Hawaiïaans: Hawai'i) is de fieftigste sjtaot van'ne Verenigde Sjtaote van Amerika. De hoofsjtad is Honolulu. De sjtaot teltj 1.262.840 inwoners (2004). De sjtandaardafkorting veur Hawaï is HI. Hawaï ligktj ongeveer 4.000 km van 't Amerikaans vastelandj. In totaal heure d'r 137 eilendjes mit ein totaal oppervlak van 16.634 km² biej Hawaï, de meiste zeen neet bewoondj.