World Trade Center
From Wikipedia, the free encyclopedia
De World Trade Center [wɝːldˈtɹeɪdˌsɛntɚ] (lëtz.: Welthandelszentrum), ofgekierzt WTC, war en 1973 gebaute Gebaikomplex am Süde vum New Yorker Staddeel Manhattan. Déi markant Zwillingstierm waren zäitweis déi héchst Gebaier vun der Welt.
World Trade Center, NY | |
---|---|
Basisdaten | |
Stad: | New York |
Verwendung: | Bürohéichhaus |
Bauzäit: | 1966 bis 1973 |
Ouverture: | 4. Abrëll 1973 |
Zerstéierung: | 11. September 2001 |
Architekt: | Minoru Yamasaki |
Baustil: | Modern |
Technësch Daten | |
Héicht: | Nordtuerm: 417 m (mat Antenn 521 m) Südtuerm: 415 m |
Breet: | 63,4 m |
Déift: | 63,4 m |
Stäck: | 110 |
Baustoff: | Stol, Stolbëtong, Glas, |
Si goufen den 11. September 2001 duerch en Terroruschlag zerstéiert. Dobäi sinn ongeféier 2.800 Mënschen ëm d'Liewe komm, déi am WTC waren, an anerer, déi an de béide Fligere souzen, déi d'Attentäter an d'Zwillingstierm gesteiert hunn, an eng ganz Rei Pompjeeën. Alles an allem goufen zirka 3.300 Doudeger gezielt.
Fir d'Uschléi ginn islamistesch Selbstmordattentäter, déi vum Terrornetzwierk Al-Qaida ausgebilt a beoptragt goufen, verantwortlech gemaach. Den Uschlag huet zu weltwäitem Entsetzen an Trauer an zu wäitreechende geopolitesche Konsequenze gefouert, soudatt als Folleg Ugrëffskricher an Afghanistan an am Irak vun den d'USA gefouert goufen.