Papyrus Derbeniensis
From Wikipedia, the free encyclopedia
Papyrus Derbeniensis anno 1962 inter pyri funerarii vestigia repertus est Derbenii (Graece Δερβένι) in loco archaeologico prope Thessalonicam, ubi iacebat necropolis Letae urbis antiquae in Mygdonia. Papyrus partim combustus, sed legibilis, est librorum manu scriptorum Graeciae et omnis Europae antiquissimum. Textus Graece compositus et satis lacunosus commentarium praebet carminis cuiusdam antea ignoti, versibus hexametris compositi, Orpheo vati mythologico attributi, de origine mundi. Fragmenta huius papyri hodie apud Museum Archaeologicum Thessalonicense monstrantur.