Ilir Meta
politicus / From Wikipedia, the free encyclopedia
Ilir Meta, nomine pleniori Ilir Rexhep Meta (in oppido Skrapar natus die 24 Martii 1969) est politicus Albaniae.
Alumnus est facultatis oeconomicae universitatis Tyranensis ubi postea docuit. Iam discipulus inter motus contra communismum participavit. Legatus est apud parlamentum Albanicum ab anno 1992. Coniunctionem Albaniae cum Unionem Europaeam favebat dum munera successiva tenuit, secretarius pro integratione Europaea a mense Martio 1998, primus minister vicarius a mense Octobri eiusdem anni, primus minister a die 29 Octobris 1999 ad 22 Februarii 2002, mox etiam minister a rebus externis a die 31 Iulii 2002 ad 18 Iulii anni insequentis, primo ministro Fatos Nano. Iam sodalis factionis socialisticae, motum socialisticum pro integratione anno 2004 condidit. Officio ministri rerum externarum iterum a die 17 Septembris 2009 usque ad eundem diem insequentis anni functus est, primo ministro Sali Berisha. Orator parlamenti die 10 Septembris 2013, sed die 28 Aprilis 2017 praeses patriae electus est, antecessore Bujar Nishani. Officium die 24 Iulii 2017 rite suscepit.