Cyriacus Metsotaces (1968–)
politicus anno 1968 natus / From Wikipedia, the free encyclopedia
Cyriacus Constantini f. Metsotaces, litteris Graecis Κυριάκος Κωνσταντίνου Μητσοτάκης (Athenis natus die 4 Martii 1968) est politicus Graecus et praeses factionis Democratiae Novae e familia Cretana ortus.
Patria: Graecia
Familia
Coniunx: Mareva Grabowski
Proles: Sofia Mitsotakis, Konstantinos Mitsotakis, Dafne Mitsotakis
Filius, nepos, pronepos politicorum, annum primum agens Lutetiam in exsilium cum familia omni missus est. Ibi usque in annum 1974, deinde Athenis educatus est ubi collegium Athenarum frequentavit. Alumnus est universitatum Harvardianae et Stanfordiensis. Ab anno 1995 usque in 2003 argentarius Londinii et Athenis operam dedit. Ab anno insequenti legatus est parlamento Graeco, sodalis factionis Novae democratiae. Minister a reformatione administrativa a die 24 Iunii 2013 ad 27 Ianuarii 2015 meruit, primo ministro Antonio Samara. Factionis suae praeses (cui pater iam antea praesederat) die 10 Ianuarii 2016 electus est. Die 8 Iulii 2019, comitiis victor, fit primus minister Graeciae.