Casimus Žomart Toqaev
politicus / From Wikipedia, the free encyclopedia
Casimus[1] Žomart Kemel filius Toqaev (Casachice Қасым-Жомарт Кемелұлы Тоқаев / Qasım-Jomart Kemelulı Toqayev, Almatae natus die 17 Maii 1953) est legatus et politicus Kazachstaniae.
Patria: Kazachstania
Familia
Coniunx: Nadezhda Tokayeva
Proles: Timur Tokayev
Filius est philologae Turar Šabarbaeva scriptorisque Kemel Toqaev. Alumnus est instituti Coniunctionum Internationalium Moscuensis et recentius universitatis Linguarum Culturarumque Pechinensis. Minister rerum externarum Kazachstaniae ab anno 1994 usque in 1999, iterum ab 2002 usque in 2007, in intervallo temporis primus minister a die 1 Octobris 1999 ad 28 Ianuarii 2002 meruit. Rector generalis fuit a die 12 Martii 2011 ad 16 Octobris 2013 sedis Genavensis Nationum Unitarum.
Nursultan Nazarbaev die 20 Martii 2019 praesidatum renuntiante, praeses ad interim ab eo die factus est: cui titulo mox comitiis nationalibus electus die 12 Iunii eiusdem anni inauguratus est.