Марсель
From Wikipedia, the free encyclopedia
Марсель – Франциянын түштүгүндөгү шаар. Жер Ортолук деңиздин Лион булуңунун жээгинде, Рона дарыясынын чатына жакын жерде жайгашкан ири порт (жылына 100 млн тонна жүк ташылат). Буш-дю-Рон департаментинин административдик борбору. Калкы 780 миң (2010); калкынын саны боюнча өлкөдөгү Парижден кийинки 2-шаар). Шаар айланасы жана шаар жандоочулары менен Марсель шаар агломерациясын (калкы 1,6 млн) түзөт. Франциядагы эң көп улуттуу шаар. Эл аралык аэропорту бар. Метрополитен иштейт. Биздин заманга чейинки 600-жылы гректердин ээлиги (Массалия) катары негизделген. Нефть ажыратуу, нефть-химиялык, кеме жана авиа куруу өнөр жай ишканалары иштейт. Бир нече университеттер жана музейлер (анын ичинде археологиялык, көркөм-өнөр, Эски Марсель, антика соодасы ж. б.) бар. Шаардын эски бөлүгүндө роман-готика стилиндеги Сен-Виктор чиркөөсү (11–15-кылым, крипта – 5-кылым), Ла-Мажор эски собору (12–15- кылым), Нотр-Дам-де-ла-Град (14-кылым) сакталган. Жыл сайын китеп майрамы, фестивалдар (орус театры, документ кинолордун, дикий музыка), Марсель Ярмаркасы өткөрүлүп турат. Ботаникалык бак, зоопарк, аквариум уюштурулган. Круиз туризми (640 миңге жакын круиз кемелери бар, 2010) өнүккөн.