Koswik
From Wikipedia, the free encyclopedia
Ranndir gans dosedh ughel a wydh yw koswik, (po forest ha gwylvos). Yma dhe goswik niver a styryansow selwys war nebes meyn prof, kepar ha dosedh an gwydh, myns an arenebedh, po devnydh tir. Gerlyver Pennskol Kembra a lever dell yw an styr "Darn meur a dir gans lies gwedhen ha prysken ow tevi yn naturel warnodho, a vri kyns avel skovva dhe enevales gwyls a lies eghen, may feu usys rag helghya". An Fondyans Boos hag Ammeth a lever koswigow dhe worheri a-dro dhe 4 bilvil hektar (15 milvil mildir pedrek) yn ollvysel.
Ensampel a | parth losowedh, feature type |
---|---|
Klass | ekosystem, parth losowedh, biom, natural geographic entity, nas doroniethel |
Rann a | kerghynnedh naturel, bewgylgh, biom |
Synsys ynno/i | gwedhen, stand, forest station, vegetation |
Restrennow kelmys war Gemmyn Wikimedia |
Y hyllir leverel bos koswigow an chif ekosystem war an Norvys, ha kevys yns i a-derdro an bys. Ottomma 75% a askorrans elvennek bewgylgh an Nor, ha 80% biomas an Nor. 9.9% a arenebedh Kernow yw gorherys gans koswigow.
Tempredh ha glawas yw an dhiw dra bosekka rag koswigow. Lies tyller yw re yeyn po re segh ragdha. Koswigow a yll eksistya a'n kehysedh dhe ogas dhe'n ranndiryow pennaghlek, mes hinow dyffrans a's teves koswigow dyffrans. Yn hinow yeyn, sab a warthev, mes yn ranndiryow temprek po trovannel plansow bleujennek yw gwarthevus. Nyns eus koswigow yn difeythiryow, a-der nebes gwydh yn tylleryow may hyll aga gwreydh drehedhes dowr yn-dann dhor.