Kevreyth endokrin
From Wikipedia, the free encyclopedia
An kevreyth endokrin a gomprehend organow an korf a askorr hormonow. Ev a weres rewlya metaboledh, tevyans ha displegyans, gweythres gwias ha kemeres rann yn cher. Rann medhegieth a studh kudynnow gwagrennow endokrin yw endokrinegieth.
Ensampel a | klass a furv korfoniethel |
---|---|
Klass | ensys korfoniethel arbennik, glandular system |
Konter a | kesweyth eksokrin |
Rann a | kevreyth a organow |
Restrennow kelmys war Gemmyn Wikimedia |
Yn fysiologieth, an kevreyth endokrin yw kevreyth a wagrennow, pubonan ow livra eghen a hormon dhe'n goos may hwrellons rewlya an korf.
Kontrari yw an kevreyth endokrin dhe'n kevreyth eksokrin le mayth yw an hormonow livrys yn-mes a'n goos (kepar ha'n avi, pankreas, gwagrennow an vronn, gwagrennow trew po gwagrennow hwysa). An hanow endokrin a dheu dhyworth an gerow Greka ἔνδον (éndon, “a-ji”) ha κρίνω (krínō, “diberth”). Kevreyth kedhlow yw an kevreyth endokrin kepar ha'n kevreyth nervus, mes y effeythyow ha jynnweyth yw dyffrans.
Effeythyow an kevreyth endokrin a dhalleth yn lent ha pesya yn hir. An kevreyth nervus a dhanvon kedhlow yn uskis, ha ny wra an gorthebow pesya yn hir. Kymygennow komplek yw hormonow livrys dhyworth gwias endokrin dhe'n goos le may hwrello viajya dhe'n organ mayth yw edhom anedha.
Nyns eus pibell dhe wagrennow endokrin, mes yma provians da a woos ynna.