Швед-норвег уния
From Wikipedia, the free encyclopedia
Швед-норвег керти уния, неда Швеция бла Норвегияны бирлешген королевствосу (швед. Svensk-norska unionen, Unionen mellan Sverige och Norge, норв. Unionen mellom Norge og Sverige) — 1814—1905 джыллада болгъан, Швеция бла Норвегияны энчи униясыды. 1814 джылда швед-норвег къазауатны эсебинде къуралгъанды (алгъаракъ болгъан дания-норвег унияны къурутхан Киль кесамат бла айгъакъланнганды). Бу уния норвеглилени азатлыкъгъа имтиниулери бла Швецияны орус-швед къазауатда Финляндияны тас этиуюн компенсация этерге излеуюню арасында компромисс болгъанды. Швеция Норвегияны ич автономиясын эмда аны Эйдсволль конституциясын (унияны къуралыуун эсеблеген тюрлениулери бла) таныргъа эм бузмазгъа борчланнганды. Уния, Карлстад келишиуле бла 1905 джылда чачылгъанды, андан сора Норвегия толу бойсунмаулукъгъа ие болуб, кесине джангы королну — VII Хоконну сайлагъанды.
Швед-Норвег уния швед. Svensk-norska unionen, Unionen mellan Sverige och Norge, норв. Unionen mellom Norge og Sverige Энчи уния | |||||||||
| |||||||||
---|---|---|---|---|---|---|---|---|---|
| |||||||||
Швеция бла Норвегияны бирлешген королевствосу 1905 джылда | |||||||||
Ара шахары | Стокгольм, Кристиания | ||||||||
Тил(лер)и | швед, норвег | ||||||||
Дини | Лютеранлыкъ | ||||||||
Джер ёлчеми | 774 184 км² | ||||||||
Халкъы | 7 560 000 адам (1905) | ||||||||
Кърал оноууну формасы | Конституцион монархия | ||||||||
Король | |||||||||
- 1814–1818 | XIII Карл | ||||||||
- 1818–1844 | XIV Карл Юхан | ||||||||
- 1844–1859 | I Оскар | ||||||||
- 1859–1872 | XV Карл | ||||||||
- 1872–1905 | II Оскар | ||||||||