Троллейбус
From Wikipedia, the free encyclopedia
Тролле́йбус — штанга ток алыучуну болушлугъу бла контакт системадан электрика къууатны алыб ишлеген рельссиз механика улоу амалды (асламысы бла пассажир джюрютеди, алай а бир-бирде джюк троллейбусла да тюбейдиле).
Троллейбуслагъа къошакъ болуб, аккумуляторланы, суперконденсаторланы неда ич джаныуну къымылдатыучусуну болушлугъунда тамалланнган автоном джюрюшню системалары да салыныргъа боладыла. Быллай вариантны тюрлюлерини бири дуобусду, анда электрикли эмда дизель къымылдатыучула бир-бирден айры бериулеге иедиле.
Троллейбуссла асламысы бла шахар ичинде хайырланадыла, алай а шахарла арасы троллейбусла да бардыла. Аллындан СССР-де шахар тёгерекге джюрюучю улоу кибик хайырланыр нюзюр болгъанды. Амма кечирек троллейбусланы, трамвайланы джюрюгенлери къыйын болгъан, сёз ючюн, шахарланы тар орамлары болгъан, джерледе хайырланыб башлагъандыла.