Молотовну коктейли
From Wikipedia, the free encyclopedia
Мо́лотовну коктейли — суусундан этилген бомбаланы орталыкъ аты.
Ишлеую тынч болгъаны себебли, Молотовну коктейли партизан эмда орам къазауатда бек джюрюген сауутланы бириди.
Молотовну коктейли кесини атын совет-фин къазауатны заманында алгъанды. Халкъ Комиссарланы Советини Председатели Вячеслав Молотов, кесини радиосёлешиуюнде, совет авиация Финдляндияны бомбаламайды, ачлыкъда къыйналгъан финлеге азыкъ атады деб сёлешгенди[1]. Андан сора финле РРАБ-3 совет авиацион бомбагъа «Молотовну ётмегини четени» атны бергендиле. Бомбаны узунлугъу 2,25 метр эмда диаметри 0,9 метрболгъанды. Ичинде 60 гитче джандырыучу бомбасы болгъанды. Къуйругъунда къанатлары болгъаны себебли, бомба тюшген заманында арадан къачыш бурулгъанды, эмда гитче бомбачыкъланы тёгерегине чачханды.[2] Кеслерини джаныучу шишаларын, финле аналогия бла «Молотовну коктейли» деб атагъандыла. Аллында бу ат къуру шишаны ичиндеги джаныучу суусун къатышха айтылгъанды, кечирек саулайда шишагъа кёчгенди. Бир-бир тарихчиле «Молотовну коктейли» аллындан «Молотовха коктейль» атны джюрютгенди деген оюмну айтадыла. Заманны барыуу бла, эмда бир тилден бир тилге кёчюрген сагъатда терсликлени себеби бла, аты тюрлениб «Молотовну коктейли» болуб къалгъанды.
Къралланы кёбюсюнде чыгъарыу, сатыу джасакъды.