Хабаров ладор
From Wikipedia, the free encyclopedia
Хаба́ров ладор (рочӧнжык Хабаровскӧй край) — веськӧтлан юкӧт Рочмуын, Роч Федерация видзантор. Пырӧ Ылісь Асыввыв федерал кытшӧ.
Вужпас | Дӧрапас |
Канму | Роч Федерация |
Статус | ладор |
Ыджытжык регион | Ылісь Асыввыв федерал кытш |
Янсалӧм | 2 кар кытш, 17 район |
Веськӧтлан шӧрин | Хабаров |
Аркман кад | 1938' октяб 20' лун' во |
Губернатор | Шпорт Вячеслав Иванович |
БПЛ (2008 во) Морт вывся БПЛ | 273,2 млрд 194,8 сюрс |
Веськöтлан кыв | роч |
Оліссез (2010' во) | 1 344 сюрс (35-ӧт места) |
Оліссезлӧн тшӧкыта | 1,78 морт/км² |
Чужанвуж сьӧрті тэчас | роччез, украинса, нанайез, тотара, корейса |
Мувывтор | 787 633 км² (ва - 1,1 %, 4-ӧт места) |
Кад кытш | +11 (гожумнас +12) Урал кад +5 |
Телефон код | +7 421 |
Пошта индекссэз | 680000-680999 |
Автомобиль код | 27 |
Веськöтланлöн сайт |
Канкарыс – Хабаров, кытӧн 2009' годӧ олӧмась 578,6 сюрс морт. Быдсӧн ладорас отирыс олӧны миллионся унажык, но оліссезлӧн лыдыс пыр чинӧ.
Хабаров ладорыс – Рочмуас ыжда сьӧрті нёльӧт регион, этія рангын сія сулалӧ Тюмень лапӧв да Иркут лапӧв коласын.
Роччез локтӧмась эна муэзӧ XVII вексянь да сэсся дыр вермасьӧмась китайсакӧт, кӧдналісь мырддьӧмась амурсайся муэз 1858' годӧ. Вӧлі аркмӧтӧмӧсь Амур лапӧв да Саридздын лапӧв. 1920'-1923' годдэзӧ муыс вӧлі с.ш. Ылісь Асыввыв республикаын, сыбӧрын Ылісь Асыввыв ладорын.
Хабаров ладорыс аркмис 1938' октяб 20' лунӧ, Ылісь Асыввыв ладорсӧ кыкӧ янсӧтікӧ (мӧд торыс – Саридздын ладор). Медодз Хабаров ладорыс вӧлі тӧдчӧмӧн ыджытжык, сэсся сыись сьӧрсьӧн-бӧрсьӧн торйӧтӧмась мукӧд муэз.