ಹಾಸ್ಯ
From Wikipedia, the free encyclopedia
ಹಾಸ್ಯ ಎಂದರೆ ಅನುಭವಗಳು ನಗೆಯನ್ನು ಪ್ರಚೋದಿಸುವ ಮತ್ತು ವಿನೋದವನ್ನು ಒದಗಿಸುವ ಪ್ರವೃತ್ತಿ.
ಎಲ್ಲ ವಯಸ್ಸಿನ ಮತ್ತು ಸಂಸ್ಕೃತಿಗಳ ಜನರು ಹಾಸ್ಯಕ್ಕೆ ಪ್ರತಿಕ್ರಿಯಿಸುತ್ತಾರೆ. ಬಹುತೇಕ ಜನರು ಹಾಸ್ಯವನ್ನು ಅನುಭವಿಸಬಲ್ಲರು—ಯಾವುದಾದರೂ ಮೋಜಾಗಿರುವುದರ (ಉದಾಹರಣೆಗೆ ಶ್ಲೇಷ ಅಥವಾ ತಮಾಷೆ) ವಿಷಯವಾಗಿ ವಿನೋದಪಡಬಲ್ಲರು, ನಗಬಲ್ಲರು, ಅಥವಾ ಮುಗುಳನಗಬಲ್ಲರು—ಮತ್ತು ಹಾಗಾಗಿ ಅವರು ಹಾಸ್ಯಪ್ರಜ್ಞೆಯನ್ನು ಹೊಂದಿರುತ್ತಾರೆ ಎಂದು ಪರಿಗಣಿಸಲಾಗುತ್ತದೆ. ಹಾಸ್ಯಪ್ರಜ್ಞೆಯಿಲ್ಲದ ಕಾಲ್ಪನಿಕ ವ್ಯಕ್ತಿಗೆ ಪ್ರಾಯಶಃ ಅದನ್ನು ಪ್ರಚೋದಿಸುವ ವರ್ತನೆಯು ಅವಿವರಣೀಯ, ವಿಚಿತ್ರ ಅಥವಾ ಯುಕ್ತಿವಿರುದ್ಧವೂ ಅನಿಸಬಹುದು. ಅಂತಿಮವಾಗಿ ವೈಯಕ್ತಿಕ ಅಭಿರುಚಿಯಿಂದ ನಿರ್ಧಾರಿತವಾದರೂ, ಏನಾದರೂ ಎಷ್ಟರ ಮಟ್ಟಿಗೆ ಒಬ್ಬ ವ್ಯಕ್ತಿಗೆ ಹಾಸ್ಯಾಸ್ಪದವೆನಿಸುತ್ತದೆ ಎನ್ನುವುದು ಭೌಗೋಳಿಕ ಸ್ಥಳ, ಸಂಸ್ಕೃತಿ, ಪ್ರೌಢತೆ, ಶಿಕ್ಷಣದ ಮಟ್ಟ, ಬುದ್ಧಿವಂತಿಕೆ ಮತ್ತು ಸಂದರ್ಭ ಸೇರಿದಂತೆ, ಅನೇಕ ಚರಗಳ ಮೇಲೆ ಅವಲಂಬಿಸಿರುತ್ತದೆ.