ಬ್ರೆಡ್
From Wikipedia, the free encyclopedia
ಸಾಮಾನ್ಯವಾಗಿ ಬ್ರೆಡ್ ಶಬ್ದವು ರೊಟ್ಟಿ ಎಂಬ ಅರ್ಥಕ್ಕಿಂತ ಹೆಚ್ಚಾಗಿ ಇಂಗ್ಲಿಷ ಉಚ್ಚಾರಣೆಯನ್ನೇ ಎಲ್ಲೆಡೆ ಪ್ರಚಲಿತಗೊಳಿಸಿದೆ.ಬ್ರೆಡ್ ಒಂದು ವ್ಯಾಪಾರಿ ಆಹಾರದ ಸರಕು ಎನ್ನುವಂತೆ ಮಾರಲಾಗುತ್ತದೆ.ಇದನ್ನು ಹಿಟ್ಟಿನಲ್ಲಿ ಮಾಡಿದ ಕಣಕವನ್ನು ನಿರಂತರವಾಗಿ ನಾದಿ ಅದನ್ನು ನೀರು ಬೆರೆಸಿದ ವಿವಿಧ ಮಸಾಲೆ ಪದಾರ್ಥಗಳ ಮಿಶ್ರಣದೊಂದಿಗೆ ಬೇಯಿಸುವುದರ ಮೂಲಕ ತಯಾರಿಸಲಾಗುತ್ತದೆ. ಸಾಮಾನ್ಯವಾಗಿ ಈ ನಾದಿದ ಕಣಕವನ್ನು ಕಾವಲಿಯಲ್ಲಿಟ್ಟು ಸುಡುವ ಅಥವಾ ಬೇಯಿಸುವ ಪ್ರಕ್ರಿಯೆ ನಡೆಯುತ್ತದೆ.ಇನ್ನು ಕೆಲವು ಅಡುಗೆ ಮನೆಗಳಲ್ಲಿ ಬ್ರೆಡ್ ಗಳನ್ನು ಹಬೆ ಮೇಲೆ,ಕೆಂಡದ ಮೇಲೆ ಸುಡಲಾಗುತ್ತದೆ.ಇಲ್ಲವೆ ತೈಲ ರಹಿತ ಬಾಣಲೆ ಅಥವಾ ತವೆ ಮೇಲೆ ಸಿದ್ದಗೊಳಿಸಲಾಗುತ್ತದೆ. ಇದರ ತಯಾರಿಕೆಯಲ್ಲಿ ಹುಳಿ ಪದಾರ್ಥವನ್ನು ಸೇರಿಸಬಹುದು ಅಥವಾ ಸೇರಿಸದೇ ಇರಬಹುದು. ಉಪ್ಪು, ಕೊಬ್ಬಿನಾಂಶ ಮತ್ತುಹುಳಿಯಾಗುವ ಪದಾರ್ಥ ಗಳು ಉದಾಹರಣೆಗೆ ಈಸ್ಟ್ ಮತ್ತುಅಡುಗೆ ಸೋಡಾ ಇವು ಸಾಮಾನ್ಯ ಘಟಕಾಂಶಗಳೆನಿಸಿವೆ.ಆದರೂ ಬ್ರೆಡ್ ಇನ್ನಿತರ ಪದಾರ್ಥ ಅಂಶಗಳನ್ನೂ ಒಳಗೊಂಡಿರುತ್ತದೆ.ಉದಾಹರಣೆಗೆ ಹಾಲು, ಮೊಟ್ಟೆ, ಸಕ್ಕರೆ, ಮಸಾಲೆ, ಹಣ್ಣು (ಉದಾಹರಣೆಗಾಗಿ ಒಣದ್ರಾಕ್ಷಿ ಗಳು), ತರಕಾರಿಗಳು (ಉದಾಹರಣೆಗೆ ಈರುಳ್ಳಿ), ನೆಲಗಡಲೆ (ಉದಾಹರಣೆಗೆ ಸುವಾಸನಾ ಗೆರಟು) ಅಥವಾ ದ್ವಿದಳ ಬೀಜಗಳು (ಉದಾಹರಣೆಗೆ ಗಸಗಸೆ ಬೀಜಗಳು ). ಬ್ರೆಡ್ ಅತ್ಯಂತ ಹಳೆಯದಾದ ಬೇಯಿಸಿದ ಆಹಾರಗಳಲ್ಲಿ ಒಂದಾಗಿದೆ.ಇದನ್ನು ನವಶಿಲಾಯುಗದ ಹಿಂದೆಯೂ ಗುರುತಿಸಲಾಗಿದೆ.ಇದನ್ನು ಆಡು ಮಾತಿನಲ್ಲಿ "ದಿನ ನಿತ್ಯದ ಬದುಕಿನ ಬುತ್ತಿ" ಎಂದೂ ಹೇಳುವ ವಾಡಿಕೆ ಇದೆ. ಬ್ರೆಡ್ ತಯಾರಿಕೆಯಲ್ಲಿ ಹುಳಿ ಬೆರಸುವಿಕೆಯು ಅರ್ವಾಚೀನ ಇತಿಹಾಸದ ವೇಳೆಗೆ ಪ್ರಚಲಿತದಲ್ಲಿತ್ತು. ತಾಜಾ ಬ್ರೆಡ್ ಅದರ ರುಚಿ,ಸುವಾಸನೆ,ಗುಣಮಟ್ಟ,ಅದರ ಗೋಚರತೆ ಮತ್ತು ಅದರ ಮೃದು ಎಳೆಯ ರಚನೆಯ ಮೇಲೆ ಅದರ ಜನಪ್ರಿಯತೆ ಪಡೆಯುತ್ತದೆ. ಅದರ ತಾಜಾತನವನ್ನು ಕಾಯ್ದುಕೊಳ್ಳುವಲ್ಲಿ ಅದರ ರುಚಿ ಮತ್ತು ಮಹತ್ವ ಅಡಗಿದೆ. ಗಟ್ಟಿಯಾದ ಅಥವಾ ಒಣಗಿ ಹೋದ ಅದನ್ನು ತಂಗಳು ಎನ್ನಲಾಗುತ್ತದೆ. ಆಧುನಿಕ ಬ್ರೆಡ್ ನ್ನು ಹಲವು ಬಾರಿ ವಿಶೇಷ ಕಾಗದ ಅಥವಾ ಪ್ಲ್ಯಾಸ್ಟಿಕ್ ತೆಳು ಹಾಳೆಯಂತಹ ಅಥವಾ ಬ್ರೆಡ್ ಬಾಕ್ಸ್ ನಲ್ಲಿಟ್ಟು ಅದನ್ನು ಒಣಗದಂತೆ ತಡೆಯಲಾಗುತ್ತದೆ. ಬೆಚ್ಚಗಿನ,ಆರ್ದ್ರ ವಾತಾವರಣದಲ್ಲಿಟ್ಟ ಬ್ರೆಡ್ ಸಾಮಾನ್ಯವಾಗಿ ಫಂಗಸ್ ಅಥವಾ ಬೂಸ್ಟ್ ನಂತಹ ಎಳೆಯನ್ನು ಅದರ ಮೇಲೆ ಬೆಳೆಯುವಂತೆ ಮಾಡುವುದು ಸಹಜ. ಶೀತ ಪೆಟ್ಟಿಗೆಯ ಕಡಿಮೆ ಉಷ್ಣತೆಯಲ್ಲಿಟ್ಟ ಬ್ರೆಡ್ ,ಕೊಠಡಿಯ ಉಷ್ಣತೆಯಲ್ಲಿಟ್ಟ ಬ್ರೆಡ್ ಗಿಂತ ಕಡಿಮೆ ವೇಗದಲ್ಲಿ ಹಾಳಾಗುತ್ತದೆ.ಇಲ್ಲಿ ಅದರ ಬೇಗ ಹಾಳಾಗುವ ಗುಣದಿಂದಾಗಿ ಅದು ನಿರುಪಯುಕ್ತವಾಗುತ್ತದೆ. ಬ್ರೆಡ್ ಒಳಗಿನ ಭಾಗವನ್ನು ಬೇಯಿಸಿದ ಮತ್ತು ಇನ್ನುಳಿದ ಪಾಕ ಪ್ರವೀಣ ವೃತ್ತಿಪರರು ಎಂದು ಅದರ ಪುಟ್ಟ ಭಾಗ ವನ್ನು ಮೆದುಗೊಳಿಸಿರುತ್ತಾರೆ.ಆದರೆ ಇದನ್ನು ಸಣ್ಣ ಹೋಳುಗಳು ಎಂದು ಗೊಂದಲಕ್ಕೀಡಾಗಬಾರದು ಅದು ಫಳಕುಗಳಿಗಿಂತ ಮೆದು ಎಳೆಯಂತಹದ್ದು. ಹೊರಗಿನ ಗಟ್ಟಿ ಪೊರೆಭಾಗವನ್ನು ಕ್ರಸ್ಟ್ ಅಥವಾ ಗಟ್ಟಿ ಪೊರೆ ಎನ್ನಲಾಗುತ್ತದೆ.