ಟ್ಯಾಕ್ಸಾನಮಿ
ಜೈವಿಕ ಜೀವಿಗಳ ಗುಂಪುಗಳನ್ನು ಹುಡುಕುವ, ವಿವರಿಸುವ, ವ್ಯಾಖ್ಯಾನಿಸುವ ಮತ್ತು ಹೆಸರಿಸುವ ವಿಜ್ಞಾನ. / From Wikipedia, the free encyclopedia
'ಟ್ಯಾಕ್ಸಾನಮಿ[ಟಿಪ್ಪಣಿ 1] ( ಪುರಾತನ ಗ್ರೀಕ್ : τάξις taxis ಟ್ಯಾಕ್ಸಿಸ್ , " ವ್ಯವಸ್ಥೆ " ಮತ್ತು νομία - nomia , " ವಿಧಾನ "[1]) ಅಥವಾ ಜೀವ ವರ್ಗೀಕರಣ ಜೀವಿಗಳ ಗುಂಪುಗಳನ್ನು ಅವು ಹಂಚಿಕೊಂಡ ಗುಣಗಳ ಆಧಾರದ ಮೇಲೆ ವಿಂಗಡಿಸುವ ಮತ್ತು ಅವುಗಳಿಗೆ ಹೆಸರು ಕೊಡುವ ವಿಜ್ಞಾನ. ಹೀಗೆ ವಿಂಗಡಿಸಿದ ಗುಂಪುಗಳಿಗೆ ವರ್ಗೀಕರಣದ ಶ್ರೇಣಿಗಳನ್ನು ಕೊಡಲಾಗುತ್ತದೆ. ಈ ಶ್ರೇಣಿಗಳನ್ನು ಒಂದರ ಕೆಳಗೆ ಇನ್ನೊಂದನ್ನು ಪೇರಿಸಿ ಶ್ರೇಣೀಕೃತ ವ್ಯವಸ್ಥೆಯೊಂದನ್ನು ಹುಟ್ಟುಹಾಕಲಾಗುತ್ತದೆ.[2][3] ಸ್ವೀಡನ್ನಿನ ಕಾರ್ಲ್ ಲಿನ್ನೇಯಸ್ನನ್ನು ಟ್ಯಾಕ್ಸಾನಮಿಯ ಜನಕ ಎಂದು ಕರೆಯಲಾಗಿದೆ. ಅವನ ಅಭಿವೃದ್ಧಿ ಪಡಿಸಿದ ವ್ಯವಸ್ಥೆಯನ್ನು ಜೀವಿಗಳ ಲಿನ್ನೇಯಸ್ ವರ್ಗೀಕರಣ ಎಂದು ಕರೆಯಲಾಗಿದೆ ಮತ್ತು ಇದು ಜೀವಿಯ ದ್ವಿಪದ ಹೆಸರಿಸುವಿಕೆಯನ್ನೂ ಒಳಗೊಂಡಿದೆ.
ಈ ಲೇಖನ ಅಥವಾ ವಿಭಾಗವನ್ನು ಮಾರ್ಗದರ್ಶಿ ವಿನ್ಯಾಸ ಮತ್ತು ಕೈಪಿಡಿಯ ಶೈಲಿ ಪುಟಗಳಲ್ಲಿ ಸೂಚಿಸಿರುವಂತೆ ವಿಕೀಕರಣ (format) ಮಾಡಬೇಕಿದೆ. ವಿಕೀಕರಣದ ನಂತರ ಈ ಟೆಂಪ್ಲೇಟನ್ನು ತೆಗೆದುಹಾಕಿ. |
ಪ್ರಭೇದವಿಕಾಸ ವರ್ಗೀಕರಣ, ಏಕಮೂಲ ವರ್ಗೀಕರಣ ಮತ್ತು ಸಿಸ್ಟಮಾಟಿಕ್ಸ್ ಕ್ಷೇತ್ರಗಳ ಅಧ್ಯಯನದ ಆರಂಭದೊಂದಿಗೆ ಲಿನ್ನೇಯಸ್ ವ್ಯವಸ್ಥೆಯು ಜೀವಿಗಳ ನಡುವಿನ (ಬದುಕಿರುವ ಮತ್ತು ಅಳಿದ ಎರಡೂ) ವಿಕಾಸ ಸಂಬಂಧದ ಆಧಾರದ ಮೇಲಿನ ಆಧುನಿಕ ಜೀವ ವರ್ಗೀಕರಣದ ವ್ಯವಸ್ಥೆಯಾಗಿ ಬೆಳೆಯಿತು. ಆಂಜಿಯೊಸ್ಪರ್ಮ್ ಫೈಲೊಜನಿ ಗ್ರೂಪ್ ೨೦೦೯ರಲ್ಲಿ ಪ್ರಕಟಿಸಿದ ಎಲ್ಲಾ ಹೂಬಿಡುವ ಸಸ್ಯಗಳ ಕುಟುಂಬಗಳನ್ನು (ಎಪಿಜಿ III ಸಿಸ್ಟಮ್) ಆಧುನಿಕ ವರ್ಗೀಕರಣದ ಉದಾಹರಣೆಯಾಗಿ ಭಾವಿಸ ಬಹುದು.[4]