ಕೇರಳದ ವಾಸ್ತುಶೈಲಿ
From Wikipedia, the free encyclopedia
ಕೇರಳದ ವಾಸ್ತುಶೈಲಿಯು ಒಂದು ರೀತಿಯ ವಾಸ್ತುಶಿಲ್ಪ ಶೈಲಿಯಾಗಿದ್ದು, ಇದು ಹೆಚ್ಚಾಗಿ ಭಾರತದ ಕೇರಳ ರಾಜ್ಯದಲ್ಲಿ ಕಂಡುಬರುತ್ತದೆ. ಕೇರಳದ ವಾಸ್ತುಶೈಲಿಯು ವಿಶಿಷ್ಟವಾದ ಹಿಂದೂ ದೇವಾಲಯದ ವಾಸ್ತುಶೈಲಿಯಾಗಿದ್ದು, ಇದು ಭಾರತದ ನೈಋತ್ಯ ಭಾಗದಲ್ಲಿ ಇದೆ. ಇದು ಸಾಮಾನ್ಯವಾಗಿ ದಕ್ಷಿಣ ಭಾರತದ ಇತರ ಭಾಗಗಳಲ್ಲಿ ಕಂಡು ಬರುವ ದ್ರಾವಿಡ ವಾಸ್ತುಶಿಲ್ಪಕ್ಕೆ ವ್ಯತಿರಿಕ್ತವಾಗಿದೆ. ಕೇರಳದ ವಾಸ್ತುಶೈಲಿಯನ್ನು ಭಾರತೀಯ ವೈದಿಕ ವಾಸ್ತುಶಿಲ್ಪ ವಿಜ್ಞಾನ (ವಾಸ್ತು ಶಾಸ್ತ್ರ) ಮತ್ತು ದ್ರಾವಿಡ ವಾಸ್ತುಶಿಲ್ಪದ ಒಂದು ಭಾಗದ ಪ್ರಕಾರ ನಿರ್ವಹಿಸಲಾಗಿದೆ/ಅನುಸರಿಸಲಾಗಿದೆ. ಇದು ವಾಸ್ತು ಶಾಸ್ತ್ರದ ಪ್ರಾಚೀನ ಪುಸ್ತಕಗಳಲ್ಲಿ ಉಲ್ಲೇಖಿಸಲಾದ ಮೂರು ಶೈಲಿಯ ದೇವಾಲಯಗಳಲ್ಲಿ ಒಂದಾಗಿದೆ. ತಂತ್ರಸಮುಚ್ಚಯ, ತಚ್ಚು-ಶಾಸ್ತ್ರ, ಮನುಷ್ಯಾಲಯ -ಚಂದ್ರಿಕಾ ಮತ್ತು ಶಿಲ್ಪರತ್ನಗಳು ಪ್ರಮುಖ ವಾಸ್ತುಶಿಲ್ಪ ವಿಜ್ಞಾನಗಳಾಗಿವೆ. ಅವು ಕೇರಳದ ವಾಸ್ತುಶಿಲ್ಪ ಶೈಲಿಯ ಮೇಲೆ ಗಾಢವಾದ ಪ್ರಭಾವ ಬೀರಿವೆ. ಮನುಷ್ಯಾಲಯ-ಚಂದ್ರಿಕಾ ಎಂಬ, ದೇಶೀಯ ವಾಸ್ತುಶಿಲ್ಪಕ್ಕೆ ಮೀಸಲಾದ ಪ್ರಾಕಾರವು ಕೇರಳದಲ್ಲಿ ತನ್ನ ಬಲವಾದ ಬೇರುಗಳನ್ನು ಹೊಂದಿರುವ ಅಂತಹ ಒಂದು ವಿಜ್ಞಾನವಾಗಿದೆ.