ಅಪೋಲೊ ೧೧
ಚಂದ್ರನಲ್ಲಿಗೆ ಮಾನವನನ್ನು ಕೊಂಡೊಯ್ದ ಮೊದಲ ಚಾಂದ್ರನೌಕೆ / From Wikipedia, the free encyclopedia
ಅಪೋಲೋ ೧೧ ಮೊದಲ ಬಾರಿಗೆ ಮಾನವರನ್ನು ಹೊತ್ತು ಚಂದ್ರನ ಮೇಲಿಳಿದ ಅಂತರಿಕ್ಷ ನೌಕೆ. ಅಪೋಲೋ ೧೧ ಅಪೋಲೋ ಸರಣಿಯ ನೌಕೆಗಳಲ್ಲಿ ಒಂದು. ಈ ಸರಣಿಯ ನೌಕೆಗಳಲ್ಲಿ ಮಾನವರನ್ನು ಹೊತ್ತು ಅಂತರಿಕ್ಷಕ್ಕೆ ಸಾಗಿದ ಐದನೆಯ ನೌಕೆ ಇದು. ಈ ನೌಕೆಯ ನಾಯಕ ನೀಲ್ ಆರ್ಮ್ಸ್ಟ್ರಾಂಗ್. ಜುಲೈ ೧೬, ೧೯೬೯ ರಂದು ಅಮೇರಿಕ ಸಂಯುಕ್ತ ಸಂಸ್ಥಾನದಿಂದ ಈ ನೌಕೆ ಹಾರಿತು. ಸ್ಯಾಟರ್ನ್ ೫ ರಾಕೆಟ್ ಇದನ್ನು ೧೨ ನಿಮಿಷಗಳಲ್ಲಿ ಭೂಮಿಯ ಸುತ್ತ ಕಕ್ಷೆಗೆ ತಲುಪಿಸಿತು. ಭೂಮಿಯ ಸುತ್ತ ಒಂದೂವರೆ ಬಾರಿ ಸುತ್ತಿದ ನಂತರ ಚಂದ್ರನತ್ತ ಹಾರಿತು. ಜುಲೈ ೧೯ ರಂದು ಚಂದ್ರನ ಮೇಲ್ಮೆಯ ಹತ್ತಿರ ತಲುಪಿದ ನೌಕೆ ಮೂವತ್ತು ಬಾರಿ ಚಂದ್ರನನ್ನು ಪ್ರದಕ್ಷಿಣೆ ಹಾಕಿತು. ಜುಲೈ ೨೦ ರಂದು ನೌಕೆಯ ಚಂದ್ರಘಟಕ "ಈಗಲ್" ಪ್ರಧಾನ ನೌಕೆಯಿಂದ ಬೇರೆಯಾಗಿ ಚಂದ್ರನ ಮೇಲೆ ಇಳಿಯಿತು.
Apollo 11 ಸಂಬಂಧಿತ ಮೀಡಿಯಾ ವಿಕಿಮೀಡಿಯ ಕಾಮನ್ಸ್ನಲ್ಲಿ ಲಭ್ಯವಿದೆ.