Remḍan
From Wikipedia, the free encyclopedia
Remḍan neɣ Uẓum (akken i d-sesseman imaziɣen inselmen imezwura) d ayyur wis 9 deg teswast tineslemt i d-yettasen seld n wayyur n Ceɛban (neɣ Amzizel), Ayyur-a yettumeggez d imeẓli ɣer yinselmen yerna ila (yesɛa) azal imeẓli ɣef wayyuren niden acku iga d ayyur n wuẓum ɣer yinselmen igan d yiwen seg tgejda n yislam, anda inselmen (anagar deg kra n tegnatin) geddlen ɣef tissit d wučči yerna twexxiṛen ɣef yiliken seg tẓallit n Lefjer alamma d uɣelluy n tfukt
Ayyur n Remḍan issemtay (ibeddu) mi ara ad tettuselken tmeẓriwt n tazzirt (ayyur bu wacciwen) deg wass n 29 ceɛban, dɣa ma yella ur tettwaẓer ara tazzirt n Remḍan ad yuɣal ceɛban deg-s 30 n wussan sin akin ad yili seld-azekkuya d ass amenzu n Remḍan ara ad yeṭṭfen 29 neɣ 30 n wussan, sin akin ad yas umud ameẓyan (lɛid ameẓyan) s wacu i sfuggulen inselmen mi ara ad ifakk Remḍan
Remḍan | |
---|---|
mois du calendrier (fr) | |
Isefka | |
Adu-smil n | uẓum |
Amur seg | Taswast tineslemt |
Culture (fr) | Tineslemt |
Yeḍfer-it | Lɛid tameẓyant |
Jour de l'année (fr) | Ramadan (fr) |
Remḍan d ayyur ilan azal imeẓli deg tgemmi d umezruy n yinselmen acku ttamnen d akken tudra (aṣubbu) n Leqran seg tencirt yettwakelsen ar tegnawt n tegnit (n ddunnit) yella-d deg Laylat El-Qadr deg wayyur n Remḍan, sin akin yeder-d deg talliyin yeẓẓuni (yemmifraqen) deg tallit n tudra n uweḥy anda amazun (nnebi) Muḥamed yella deg yefri n Ḥira ass mi i d-yusa ɣures uneglus Ǧebril s unect n yiɣiliyen inselmen, u yenna-yas «اقْرَأْ بِاسْمِ رَبِّكَ الَّذِي خَلَقَ»,«ɣeṛ s yisem n yillu-ynek i d-isnulfan». s wanect-a tella tefyirt-a d Aya tamezwarut i d-yudren seg Leqran.
Remḍan d ayyur yeqqnen deg tmetti tineslemt ar waṭas n isekkiren imasɣanen am tẓallit n Tarawiḥ d iɛtikaf deg 10 n wussan ineggura yakk d waṭas n wansayen niden am tesnubga n yimdanen i truẓi n lmeɣreb d usersi tgidiwin akken illant waṭas n tmeskanin tigemmawin yeqqaren ɣer Remḍan am temnirt (lefnaṛ) d wemrud n Remḍan d kra n imeččiyen yal tama d yidles d weɣref s imeččiyen-is