ფილიპ I (ორლეანი)
From Wikipedia, the free encyclopedia
ფილიპ I ორლეანელი (ფრანგ. Philippe I d'orléans; დ. 21 სექტემბერი, 1640, პარიზი, საფრანგეთი — გ. 9 ივნისი, 1701, სენ-კლუ, საფრანგეთი) — საფრანგეთისა და ნავარის მეფე ლუი XIII-ისა და მისი ცოლის, დედოფალ ანა ავსტრიელის ნაბოლარა ვაჟი. საფრანგეთის „მეფე მზის“ ლუი XIV-ის უმცროსი ძმა. 1661 წლიდან მიიღო ორლეანის ჰერცოგობა, ასევე ვალუასა და შარტრის საჰერცოგოები. 1671 წელს ფილიპის სახელოვანი გამარჯვების აღსანიშნავად კიდევ უბოძა ნემურის, დუკედომის, კუსისა და ფოლემბრეის საჰერცოგოები. მისი ძმის მეფობისას იგი ასევე ატარებდა მონსინიორის წოდებას.
ფილიპ I | |
---|---|
Philippe I | |
ორლეანის ჰერცოგი | |
მმართ. დასაწყისი: | 10 მაისი 1661 |
მმართ. დასასრული: | 9 ივნისი 1701 |
წინამორბედი: | გასტონ დე ბურბონი |
მემკვიდრე: | ფილიპ II ორლეანელი |
პირადი ცხოვრება | |
დაბ. თარიღი: | 21 სექტემბერი 1640 |
დაბ. ადგილი: | პარიზი, საფრანგეთი |
გარდ. თარიღი: | 9 ივნისი 1701 (60 წლის) |
გარდ. ადგილი: | სენ-კლუ, საფრანგეთი |
დაკრძ. ადგილი: | პარიზი, საფრანგეთი |
მეუღლე: |
ჰენრიეტა ინგლისელი (ქ. 1661 - გარდ. 1670) ელიზაბეთ შარლოტა კურპფალცელი (ქ. 1671) |
შვილები: |
მარია ლუიზა, ესპანეთის დედოფალი ანა მარია, სარდინიის დედოფალი ფილიპ II, ორლეანის ჰერცოგი ელიზაბეთ შარლოტი, ლოთარინგიის ჰერცოგინია |
დინასტია: | ჯერ ბურბონები შემდეგ ორლეანელები |
მამა: | ლუი XIII, საფრანგეთის მეფე |
დედა: | ანა ავსტრიელი |
რელიგია: | კათოლიციზმი |
ხელმოწერა: | |
მიუხედავად იმისა, რომ ფილიპი ღიად აცხადებდა თავის ჰომოსექსუალობას და კაცი საყვარლებიც ჰყავდა, იგი ორჯერ დაქორწინდა, რითაც შეასრულა თავისი სამეფო მოვალეობა და დატოვა მემკვიდრეები. მან ჯერ ცოლად შეირთო ინგლისის მეფე ჩარლზ I-ის ასული ჰერნრიეტა ინგლისელი, ხოლო მისი გარდაცვალების შემდეგ გერმანელი დიდგვაროვანი ელიზაბეთ შარლოტა კურპფალცელი. მას ორივესთან ხუთი შვილი შეეძინა. გარდა ამისა მან დააარსა ორლეანების დინასტია, რომელიც დღემდე არ შემწყდარა. სწორედ მისი შთამომავალი იყო საფრანგეთის მეფე ლუი-ფილიპ I. ფილიპი ასევე იყო საოცარი მებრძოლი და უამრავი სახელოვანი გამარჯვებაც მოიპოვა, როგორიცაა 1677 წელს კასელის ბრძოლა.