![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c4/Cultural_Spheres_world.png/640px-Cultural_Spheres_world.png&w=640&q=50)
Menningarlandfræði
From Wikipedia, the free encyclopedia
Menningarlandfræði er undirgrein mannvistar landfræði. Fyrstu rannsóknir á mismunandi þjóðum og menningu eru aldagamlar frá landfræðingum eins og Ptólmæos og Strabo. Menningarlandfræði kom fram sem fræðigrein á fyrri hluta 20. aldar og þá sem svar við umhverfis nauðhyggju (e.: enviromental determinist theories) sem gerði ráð fyrir að fólk og samfélög mótuðust fyrst og fremst af sínu náttúrufarslega umhverfi. Menningarlandfræði skoðaði menningarlandslag en ekki flokkun umhverfis á náttúrufarslegum forsendum. Brautryðjandi á þessu svið var Carl O. Sauer við Kaliforníuháskóla í Berkeley í Bandaríkjunum. Uppbygging og þróun menningarlandfræðinnar hefur að mestu verið í höndum Bandaríkjamanna.
![Thumb image](http://upload.wikimedia.org/wikipedia/commons/thumb/c/c4/Cultural_Spheres_world.png/640px-Cultural_Spheres_world.png)
Menningarlandfræðingar líta þannig á að menning og samfélög mótist af því landslagi sem er til staðar en móti það einnig. Þessi gagnvirkni milli náttúrulegs landslags og manna skapar menningarlandslag. Þessi skilningur er grundvöllur menningarlandsfræði en á undaförnum 40 árum hefur hún tengst umfjöllun um menningu í öðrum fræðigreinum, þar á meðal mannfræði, félagsfræði, bókmenntafræði og femínisma; engin ein skilgreining ríkir þó á hugtakinu menningu innan menningarlandfræði.