Listi yfir páfa
From Wikipedia, the free encyclopedia
Listi yfir páfa kaþólsku kirkjunnar frá upphafi til dagsins í dag er í samræmi við lista tímaritsins Annuario pontificio sem gefið er út árlega af Páfastjórn undir titlinum I sommi pontefici romani („hæstvirtu biskupar Rómar“). Listinn er ekki númeraður lengur, þar sem honum hefur oft verið breytt og ómögulegt oft að segja til um lögmæti tiltekinna páfa. Í útgáfunni frá 2001 voru yfir 200 leiðréttingar á ártölum og fæðingarstöðum páfa, sérstaklega fyrstu tvær aldirnar.
Titillinn páfi (latína: papa, „faðir“) er notað yfir höfuð kirkjunnar í nokkrum kirkjudeildum (til dæmis páfi Kopta), en er almennt í íslensku aðeins notaður yfir höfuð kaþólsku kirkjunnar. Kaþólski páfinn hefur í gegnum tíðina notast við ýmsa aðra titla, eins og summus pontifex, pontifex maximus („æðsti biskup“) og servus servorum Dei („þjónn þjóna guðs“). Ólíkt mörgu öðru í tengslum við embættið er titillinn ekki óbreytanlegur.
Fyrsti sagnaritarinn sem gerði númeraðan lista yfir páfa gæti verið Hermannus Contractus. Listinn hans endaði árið 1049 með Leó 9. sem páfa nr. 154. Á 20. öld voru gerðar margar breytingar á listanum. Kristófer var lengi álitinn löggildur páfi, en var síðan fjarlægður út af því hvernig hann fékk embættið. Kjörpáfinn Stefán var lengi kallaður Stefán 2. þar til nafn hans var fjarlægt í útgáfunni 1961. Þegar tekið var að endurskoða páfasundrungina á 14. öld voru ákvarðanir kirkjuþingsins í Písa 1409 teknar aftur, þannig að ríkisár Gregoríusar 12. náðu til 1415 og keppinautar hans, Alexander 5. og Jóhannes 23., voru skilgreindir sem mótpáfar.