Al Capone
From Wikipedia, the free encyclopedia
Alphonse Gabriel „Al“ Capone (17. janúar 1899 – 25. janúar 1947) var bandarískur glæpaforingi sem var virkur á bannárunum í Chicago á þriðja áratugnum.
Al Capone | |
---|---|
Fæddur | 17. janúar 1899 |
Dáinn | 25. janúar 1947 (48 ára) Palm Island, Flórída, Bandaríkjunum |
Störf | Glæpaforingi |
Maki | Mae Coughlin (g. 1918–1947) |
Börn | Albert Francis „Sonny“ Capone (1918–2004) |
Undirskrift | |
Capone var af ítölskum uppruna og leiddi glæpasamtök í Chicago í Bandaríkjunum á áfengisbannsárunum, 3. áratug síðustu aldar. Hann fæddist í New York, foreldrar hans voru ítalskir innflytjendur og hann gekk í skóla fram til fermingaraldurs. Hann fór þá að stunda smáglæpi í New York fram til tvítugsaldurs þegar hann fluttist til Chicago til þess að nýta sér áfengisbannið, að græða á sölu og smygli ólöglegs áfengis.
Hann reis fljótt hátt í völdum í glæpasamtökum Chicago og um 1925 var hann leiðtogi glæpasamtaka þar í borg. Ásamt áfengisglæpunum mútaði hann yfirvöldum og stóð í blóðugum stríðum við óvinaglæpasamtök ásamt vændi og fjárhættuspilum. Einn alræmdasti glæpur hans mun vera Valentínusardagsmorðin árið 1929 þegar menn hans drápu sjö af óvinaklíkumeðlimum hans. Hann var dæmdur fyrir skattsvik árið 1931 og eyddi átta árum í fangelsi, meðal annars í Alcatraz en var sleppt 1939 af heilsufarsástæðum, en hann var með alvarlegt tilfelli af sárasótt. Hann dó árið 1947 í villu sinni í Flórída.