![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b4/IBM_350_RAMAC.jpg/640px-IBM_350_RAMAC.jpg&w=640&q=50)
IBM
From Wikipedia, the free encyclopedia
Ye la 16ma di junio 1911, En Endicott, Nova-York Usa, fondesis la komercala kompanio Computing Tabulating Recording Corporation, o CTR; ol esis la pre-iranto di la famoza komercala giganto IBM. Ol esis formacuro di tri existanta kompanii: la Tabulating Machine Company fondita da Herman Hollerith por teknologiale traktar la oficala demografiala kontado (census) di Usa en 1890; la Computing Scale Company; e la International Time Recording Company qua fabrikis tempo-registragili por fabrikerii. En 1924 la nomo di la kompanio esis chanjata ad International Business Machines Corporation.
![Thumb image](http://upload.wikimedia.org/wikipedia/commons/thumb/b/b4/IBM_350_RAMAC.jpg/320px-IBM_350_RAMAC.jpg)
![Thumb image](http://upload.wikimedia.org/wikipedia/commons/thumb/5/51/IBM_logo.svg/640px-IBM_logo.svg.png)
Ye 13 di septembro 1956, IBM anuncis nova *komputoro, la IBM 305 RAMAC; ol esis la unesma komercala *komputoro en qua informeso esis konservebla en harda disko-aparato kun movanta kapi. RAMAC signifikis Random Access Method of Accounting and Control - "hazarda-acesala metodo di kalkulado e direktado". Ol havis 50 diski di diametro 610 mm. Ol esis un ek la lasta *komputori di IBM qua utiligis vakuo-tubi, ed olua pezo esis plu kam un tuno; la mashino bezonis chambro di 9m per 15m. Plu kam 100 mashini esis konstruktata, e produktado duris til 1961.