București
From Wikipedia, the free encyclopedia
București (pron. Bukuresht), plu bone konocata kom Bukarest, esas la chef-urbo ed anke la maxim importanta industriala, financala e kulturala centro di Rumania. Segun la demografiala kontado di 2011 ol havis 1 883 425 habitanti. Lua tota surfaco esas 228 km². Ol jacas sud-este de la lando, e distas min kam 60 km del fluvio Danubio e de la frontiero kun Bulgaria.
București | ||
Kelk imaji pri București. | ||
Standardo | Blazono | |
Lando: | Rumania | |
Informo: | ||
Latitudo: | 44º25'57" N | |
Longitudo: | 26º06'14" E | |
Altitudo: | 60 til 90 m | |
Surfaco: | 228 km² | |
Habitanti: | 1 883 425 (2011) | |
Denseso di habitantaro: | 8 260 hab./km² | |
Horala zono: | UTC+2 UTC+3 dum la somero | |
Urbestro: | Georgiana-Alexandra Vacaru | |
Mapo: | ||
Oficala retosituo: | ||
pmb.ro |
Ol esas la 6ma maxim populoza urbo dil Europana Uniono, dop London, Berlin, Madrid, Roma e Paris, kande on konsideras nur la habitantaro interne di la limiti dil urbo e ne la metropolala regiono.
La Rumaniana nomo București havas necerta origino. Tradicionale on afirmas ke l'urbo fondesis dum la 15ma yarcento da Bucur, qua esabus pastoro, o princo, o bandito, o peskero. En la Rumaniana la vorto bucurie signifikas "joyo", e posible havas Dacian origino.