České Budějovice
From Wikipedia, the free encyclopedia
České Budějovice (Germane: Budweis o Böhmisch Budweis, Latine Budovicium) esas la maxim populoza urbo di la regiono Sudala Bohemia, en Chekia. Segun statistiki de 2017, ol havis 96 417 habitanti. Lua tota surfaco esas 55,71 km². Ol distas 149 km sude de Praha per la choseo E55.[1]
České Budějovice | ||
Centro dil urbo České Budějovice. | ||
Standardo | Blazono | |
Lando: | Chekia | |
Regiono: | Sudala Bohemia | |
Informo: | ||
Fondita ye: | 1256 | |
Fondita da: | Otakar la 2ma di Bohemia | |
Latitudo: | 48°58'26" N | |
Longitudo: | 14°28'30" E | |
Altitudo: | 395 m | |
Surfaco: | 55,71 km² | |
Habitanti: | 96 417 (2023) | |
Denseso di habitantaro: | 1700 hab./km² | |
Disto de Praha: | 149 km | |
Horala zono: | UTC+1 (UTC+2 dum la somero) | |
Urbestro: | Jiří Svoboda | |
Oficala retosituo: | ||
www.c-budejovice.cz |
L'urbo havas importanta muzei e historiala monumenti. Ol anke jacas proxima de la turistala urbi Hluboká nad Vltavou, Český Krumlov, Zlatá Koruna, Vyšší Brod e Třeboň. L'industro di biro restas tre importanta por l'urbo. La maxim importanta kompanio, "Pivovar Budějovický Budvar", lokale konocita kom "Budweiser" ma vendita altraloke kom "Budvar" o "Czechvar" (pro legala problemi pri la nomo kun l'Usana kompanio Anheuser-Busch), fondesis ibe en 1895.
La maxim multa habitanti esas Cheki (94.9% en 2001), kun 1,15% Slovaki. Ante 1945, l'urbo havis importanta minoritato di Germani, qui vivis ibe de la Mezepoko. En 1930, la Germani esis cirkume 15% de la habitantaro, ma pos finir la duesma mondomilito li ekpulsesis del urbo per dekreto da lora prezidanto Edvard Beneš.