Listaan dagiti bise presidente ti Estados Unidos
From Wikipedia, the free encyclopedia
Adda idin dagiti 47 a bise presidente iti Estados Unidos, manipud kenni John Adams aginggana kenni Joe Biden. Ti panakaisigudan, ti Bise Presidente ket isu idi ti tao a nakaawat ti maikadua a kaaduan a butos para iti Presidente iti Elektoral a Kolehio. Nupay kasta, iti panagbutos ti 1800 ti maysa a nagpada nga elektoral a kolehio a nagbaetan ni Thomas Jefferson ken ni Aaron Burr ket nangiturong ti panagpili iti Presidente babaen ti Kamara dagiti Pannakabagi. Tapno mapawilan ti kastoy a manen a mapasamak, ti Maikasangapulo ket dua a Panagpasayaat ket nainayon idi ti Batay-linteg, a nakapartuat ti agdama a sistema a dagiti elektorado ket agbutosda ti sabali a balota para iti bise presidente.[1]
Bilang dagiti bise presidente babaen ti partido a panakaikaduaan | |
---|---|
Republikano | 20 |
Demokratiko | 18 |
Demokratiko-Republikano | 6 |
Whig | 2 |
Pederalista | 1 |
Ti Bise Presidente ket adda laeng ti bassit a bileg wenno dagiti tignay a nalawag a naited para iti Batay-linteg. Ti kangrunaan nga opisio ti Bise Presidente ket ti panagisarunona ti kinapresidenete no ti Presidente ket matay, agikkat, wenno mapabasol ken maikkat ti opisina. Adda siam kadagiti bise presidente ti kastoy a ngimmato ti kinapresidente: walo babaen ti ipupusay ti presidente, ken maysa, ni Gerald Ford, babaen ti panagikkat tipresidente. Iti pay maipatinayon, ti Bise Presidente ket agserbi a kas ti Presidente ti Senado ken mabalin nga agpili nga agbutos panaggudua ti agkapada a butos kadagiti maikeddeng nga aramid babaen ti Senado. Dagiti Bise Presidente ket nangisanayda ti daytoy a bileg kadagiti nadumaduma agay-at kadagiti napalabas a tawen.[1] Ti pinakabise presidente ket inlawlawagan babaen ti dati a bise presidente a ni John Nance Garner idi 1960 a kas ti "nawan pategna a nabara nga isbo".[2]
Sakbay ti panakaipasa ti Maikaduapulo ket lima a Panagpasayaat, ti pannakabakante tiopisina ti Bise Presidente ket saan a mabalin a masukatan aginggana ti sumaruno a panagbutos. Adu kadagiti kastoy a pannakabakanten; sangapulo ket innem ti napasamak sakbay a napasingkedan ti maika-25 a Panagpasayaat – a kas nagbanagan ti pito nga ipupusay, maysa a panagikkat (John C. Calhoun, nga isu ket nagikkat tapno sumrek ti Kongreso), ken walo a kaso a ti bise presidente ket simmaruno iti kinapresidente. Daytoy a panagpasayaat ket nangpalubos ti panakapunno ti bakante babaen ti panagidutok ti Presidente ken panagpasingked babaen dagiti dua a kamara ti Kongreso ti Estados Unidos. Manipud ti panakapasingked ti Panagpasayaat, dua a bise presidente ti nadutokan babaen ti daytoy a panmay-an, ni Gerald Ford iti Michigan idi 1973 ken ni Nelson Rockefeller iti Estado ti New York idi 1974.[1]
Dagiti bise presidente ket nabutosanen manipud kadagiti 21 nga estado. Adadu ngem kagudua ken nanipud laeng kadagiti lima nga estado, New York (11), Indiana (5), Massachusetts (4), Kentucky (3), ken Texas (3). Kaaduan kadagiti bise presidente ket agtawen ti 50 wenno 60 ken adda ti panakasanayda ti politiko sakbay a nagtakem ti opisina.[1]