Zwjazkowy kancler (Němska)
šef knježerstwa Zwjazkoweje republiki Němskeje / From Wikipedia, the free encyclopedia
Zwjazkowy kancler (němsce Bundeskanzler) je w Němskej hłowa zwjazkoweho knježerstwa, kiž postaji zwjazkowych ministerow a politiske směrnicy knježerstwa.
Zwjazkowy kancler je faktisce najmócniši politiski zastojnik Zwjazkoweje republiki, steji pak po protokolu jenož na třećim najwyšim městnje pod zwjazkowym prezidentom (hłowu stata) a prezidentom Zwjazkoweho sejma.
Zwjazkowy kancler so po namjeće zwjazkoweho prezidenta wot sejma wuzwoli a hodźi so do kónca legislaturneje periody jenož přez wotum wo wuprajenju njedowěry ze strony parlamenta wotsadźeć. Ličba legislaturnych periodow jeho knježerstwa je − hinak hač pola zwjazkoweho prezidenta − zasadnje njewobmjezowana.
Tuchwilny zwjazkowy kancler je Olaf Scholz (SPD) na čole amploweje koalicije ze Zelenymi a FDP.