Litawska
stat w sewjerowuchodnej Europje / From Wikipedia, the free encyclopedia
Litawska (litawsce Lietuva) je najjužniši a najwjetši z třoch baltiskich krajow. Mjezuje z Letiskej (dołhosć mjez 588nbsp;km) na sewjerje, z Běłoruskej (660 km) na juhowuchodźe, z Pólskej (103nbsp;km) a ruskej Kaliningradskej oblasću (273nbsp;km) na juhozapadźe. Litawski pobrjóh Baltiskeho morja je 91nbsp;km dołhi.
zakładne daty: | |
swójske mjeno | Lietuvos Respublika |
stolica | Vilnius |
přestrjeń | 65.300 km² |
wobydlerstwo | 3.505.738 (2015) |
hustosć | 53,7 wob./km² |
forma knježerstwa | republika |
hłowa stata | prezident Gintaras Nausėda (wot 2019) |
šef knježerstwa | ministerska prezidentka Ingrida Šimonytė (wot 2020) |
měna | euro |
hamtska rěč | litawšćina |
hymna | Tautiška giesmė |
časowe pasmo | UTC+1 |
njewotwisnosć | 1918, znowa 11. měrca 1990 wot Sowjetskeho zwjazka |
Top Level Domain | .lt |
telefon | +370 |
Połoženje Litawskeje w Europje | |
1253 załoži so prěnje kralestwo Litawskeje. Wot 1569 hač do 1795 tworješe tehdyše wulkowojewódstwo Litawska hromadźe w kralestwom Pólskej uniju Pólsko-Litawskeje. Jako republika wozjewi Litawska 1918 swoju njewotwisnosć. Po sowjetskej okupaciji dósta wona 1990 zaso statnu suwerenitu. W zwisku z rozšěrjenjom EU 2004 sta so Litawska z čłonom Europskeje unije a NATO. Wot 1. januara 2015 je Litawska 19. čłon Europasma.
Stolica a najwjetše město je Vilnius. Najwjetša rěka je Njemen, kotryž druhe najwjetše město Kaunas přeběži a so do Kurskeho zaliwa wuliwa.