Kuala Lumpur
From Wikipedia, the free encyclopedia
Kuala Lumpur (Mâ-lòi-ngî: Kuala Lumpur, Hon-ngî: 吉隆坡) he Mâ-lòi-sî-â ke sú-tû kiâm chui-thai sàng-sṳ. Kîn-kí 2012-ngièn thúng-kie, sàng-sṳ mien-chit tha̍t-tó 243 phìn-fông kûng-lî, ngìn-khiéu yok-yû 160-van ngìn. Thai Kit-lùng-po he yit-ke yû 720-van ngìn ke thai tû-fi-khî, ya-he Mâ-lòi-sî-â ngìn-khiéu lâu kîn-chi sṳ̀n-chóng chui khoai-suk ke tû-fi-khî.
Kuala Lumpur | |||
— Lièn-pâng Chhṳ̍t-hot-khî — | |||
Wilayah Persekutuan Kuala Lumpur Federal Territory of Kuala Lumpur |
|||
Khì-thâ chón-siá | |||
- Hon-ngî | 吉隆坡 | ||
---|---|---|---|
- Tamil-ngî | கோலாலம்பூர் | ||
- Jawi | کوالا لومڤور | ||
|
|||
Chhô-phêu: 03°08′52″N 101°41′43″E | |||
Koet-kâ | Mâ-lòi-sî-â | ||
Mien-chit | |||
- Lièn-pâng Chhṳ̍t-hot-khî | 243 km2 | ||
- Tû-sṳ-khiên | 2,243.27 km2 | ||
Khôn-thu | 66 m | ||
Ngìn-khiéu (2017 est.) | |||
- Lièn-pâng Chhṳ̍t-hot-khî | 1,790,000 ngìn | ||
- Me̍t-thu | 6,891/km2 | ||
- Tû-sṳ-khiên | 7,200,000 | ||
- Me̍t-thu | 6,581/km2 | ||
Yù-phiên ho-mâ | 50000 - 60000 |
Kuala Lumpur chhai Mâ-lòi Pan-tó sî-ngan, vi Selangor fàn-lau. Kuala Lumpur va̍k-hot yî Kuala Lumpur Lièn-pâng Chhṳ̍t-hot-khî, vi Mâ-lòi-sî-â sâm-ke Lièn-pâng Chhṳ̍t-hot-khî chṳ̂-yit, yù Lièn-pâng Chṳn-fú chhṳ̍t-chiap kón-hot.
Kuala Lumpur he Mâ-lòi-sî-â koet-fi só-chhai thi, Mâ-lòi-sî-â Koet-kâ Ngièn-sú ke kôn-tai. Kuala Lumpur chên-kîn he Lièn-pâng Chṳn-fú hàng-chṳn chûng-sîm lâu Mâ-lòi-sî-â Lièn-pâng fap-yen só-chhai thi, than-he 1999-ngièn yí-kîn chhiên-vông Putrajaya, phu-fun hàng-chṳn phu-mùn hàn-chhôi Kuala Lumpur. Kuala Lumpur he sú-tû ya-he chhung-yeu thai-sàng, he Mâ-lòi-sî-â vùn-fa, chhòi-chṳn lâu kîn-chi ke chhùng-sîm, pûn phìn-sṳ́m vi chhiòn-khiù sàng-sṳ. Ngoi-kâu Chṳn-chhet kûng-pu 2010-ngièn chhiòn-khiù sàng-sṳ chṳ́-su, Kuala Lumpur vi-kî thi 48-miàng, kîn-chi lâu sa-fi kói-kiet siông-kôan ke kói-kiet sàng-sṳ chṳ́-su vi-kî thi 67-miàng.